Бугун барчамиз орзиқиб кутган иккинчи давра ўйинлари старт олди. Буни қанчалик интизорлик билан кутган бўлсак, шунчалик алам билан қарши олдик.
Косонсойдаги ўйингоҳда ўтган "Навбаҳор"-"Машъал" учрашувида қайд этилган натижа мухлисларнинг дилини тилка-пора қилиб юборди. Аслини олганда, меҳмонлар у қадар кучли ўйин кўрсатишгани йўқ. Лекин "газчи"ларда жамоа бор!
Ўйин бироз бўлсада, "лочинлар"нинг устунлигида ўтди. Мазкур баҳс айрим дебютантлар учун омадли ўтди дейиш мумкин. 23-дақиқада асли косонсойлик бўлган Абдураззоқ Жўраев ажойиб тарзда гол киритишга муваффақ бўлди. Шунда, "яшавор, ота-ўғил", деганлар ҳам топилди. Ҳақиқаттан ҳам, анчадан бери бундай хурсанд бўлмагандик. Сабаби Жўраев ўзининг қадрдон жамоасига қайтишини ажойиб тарзда бошлади. Абдураззоқ учун хурсанд бўлдик.
Иккинчи бўлимда тиришқоқ Собир Ҳамидов ҳам муваффақият қозониб, барчага олам-олам қувонч бағишлади. Лекин воқеалар ривожининг кескин равишда ўзгариши ҳеч кимнинг хаёлига ҳам келмаганди. Сўнгги 5 дақиқада Ботир Носиров ўз дарвозасидан унча қийин бўлмаган икки гол ўтказиб юбориши ҳақиқий трагедияга айланди, мухлислар учун!
Мағлубиятга тенг дурангни қайд этилишига асосий сабаблардан бири - Александр Клименконинг амалга оширган ўзгаришлари бўлди. Барча алмаштиришлар умуман заррача фойда ҳам келтирмади. Бундан ташқари, ғалабали ҳисоб қайд этилаётганда футболчиларнинг жуда эркин ҳаракат қилиши кишини ажаблантиради. Ҳисобдаги фарқ битта голни ташкил этганда ҳам ўйинчилар уйғонишмади. Барча карахт аҳволда қолди! Наҳотки, жамоанинг руҳияти шунчалар паст бўлса?
Ҳозиргача ("Навбаҳор"га мухлислик қилаётганимдан бери) "Навбаҳор"нинг худди бугунги "Машъал" сингари ирода кўрсатганини эслолмайман! Энг иродасиз жамоа бу албатта - "Навбаҳор"!!! Олдинда бизни "Андижон", "Пахтакор", "Нефтчи" жамоаларига қарши учрашувлар кутиб турибди. Шу аҳволда бу жамоалардан очко олиш имконияти 0 га тенг! Бу дегани - хайр Клименко!
Клименко жаноблари биринчи даврада "мен таркибни тузмаганман", деб мағлубиятларга баҳона топарди. Эндичи? Ҳозир ҳам балки таркибни жаноб Клименко тузмагандир? Ўша Панасюк ҳам, Риндюк ҳам сариқ чақага арзимайдиган легионерга ўхшамоқда. Фақат Абдураззоқ Жўраев, Соҳиб Абдуллаев, Рустам Боқиевларнинг трансферидан қониқиш мумкин, аслини олганда.
Майли. Яна кейинги ўйинларга умид билан қарашга мажбурмиз. Бироқ навбатдаги турларда умид учқуни ҳам кўринмаяпти...
«Навбаҳор»– «Машъал» 2:2
Голлар: А.Жўраев 23, Собир Ҳамидов 73 - Милорад Ресанович 87, Самандар Шодмонов 90+2.
Ҳакамлар: В.Коваленко (Тошкент), Р.Илёсов (Тошкент), М.Саидқосимов (Тошкент), Р.Копадзе (Фарғона).
«Навбаҳор»: Ботир Носиров, Қаҳрамон Муҳаммаджонов, Абдумажид Тоиров, Жаҳонгир Меҳмонов, Абдулазиз Султонов (Абдумалик Абдуллаев, 50, Николай Риндюк, 79), Азимжон Аҳмедов, Алишер Маҳмудов, Тимур Султонов, Абдураззоқ Жўраев (Виталий Панасюк, 59), Ғайрат Жўраев, Собир Ҳамидов.
«Машъал»: Санжар Қувватов, Илья Фомичёв, Шаҳзод Шайманов (Жамшид Ҳасанов, 55), Жаҳонгир Абдумўминов (Милорад Ресанович, 78), Самандар Шодмонов, Мирзоҳид Ғофуров, Игорь Петкович, Габит Сапаргалиев, Аббос Шодмонов, Янис Мандзукас (Шуҳрат Муҳаммадиев, 70), Абдували Мўминов.
Назоратчи: А.Абдуллаев (Тошкент)
Улуғбек АБДУЛЛАЕВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бухоро
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
