Криштиану Роналду дунёнинг энг яхши футболчиларидан бири. Баъзилар ундан яхшиси йўқ деб ҳисоблашади. Беш бор «Олтин тўп» совринига эга чиққан қаҳрамонимиз 2021 йилнинг ёзида «Манчестер Юнайтед»га қайтганди. Айни дамда у эркин агентга айланди. У ўйнаган «МЮ» ва Португалия терма жамоаларининг иши унчалик ҳам яхши эмас. Шундай бир пайтда Роналдунинг яқин ўтмишдаги маошларига бир эътибор бериб кўрмоқчимиз.
Роналду бир йилда қанча топади?
2020 йилнинг январь ойига кўра, Роналду 367 миллион фунт ишлаб топган. Бу орқали унинг бутун карьерасидаги маош ҳажми 1 миллиард доллардан ўтиб кетганди. Албатта, ҳужумчи у пайтлар «Ювентус»да бўлган.
Кейинги, 2021 йилда «Forbes» маълумотларига кўра, Криштиану 88 миллион фунт ишлаб топган. Суперюлдузнинг «Nike» компанияси билан бир умрлик имзолаган шартномасининг қиймати 1 миллиард доллар ёки 773 миллион фунтга тенгдир. Роналду номи маркетингда жуда ҳам асқотади. Шу сабабли у турли хил компаниялар билан ҳамкорлик қилиш орқали ҳам пул ишлайди. Бу борада Роналду Месси ва Неймардан устун туради. Масалан, 37 ёшли футболчи ўтган йили «Rolex GTX»нинг 370 минг фунтлик соатини тақиб чиққанди.
Роналдуда, шунингдек, умумий қиймати 17 миллион фунтга тенг бўлган автомашиналар коллекцияси бор.
Роналду «МЮ»да қанча ишлаб топган?
Роналду ўзининг собиқ клубида ҳафтасига 510 минг фунт маош оларди. 37 ёш бўлишига қарамай, унинг даражаси ҳали ҳам яхши. Шу сабабли, унга Мессидан кўра яхшироқ маош тўланган. Роналду сайёрамизда энг кўп пул ишлаб топган 4-одамга айланди. Бу борада у фақат Кайл Женнер, Кайн Вест ва Рожер Федерердан ортда қолган холос.
Роналду тижорий ҳамкорликлар орқали қанча ишлаб топади?
Қаҳрамонимиз дунёнинг энг машҳур ва оммабоп брендлари бўлган «Tag Heuer», «Clear Haircare», «Nike» ва «Herbalife» билан йирик лойиҳаларда иштирок этган. Маълумотларга кўра, Роналду даромадининг тахминан 40 фоизи айнан мана соҳадан келиб тушади. Уларнинг ичида «Nike» берадиган, ҳар йиллик 20 миллион фунт ҳам бор.
Ҳозирда, Роналду эркин агент. Агарда унинг кейинги манзили «Ан-Наср» бўладиган бўлса, у дунёдагу энг катта маошга эга футболчига айланади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
