Аргентина 2022 йилги Жаҳон чемпионатида жуда яхши натижаларга эришди ва бугун кечаси Лусаил стадионида Хорватияга қарши баҳс олиб боради.
Лионель Месси бошчилигидаги "Ла-Албиселесте" чорак финалда Нидерландияга қарши кечган қийин баҳсни енгиб ўтишга муваффақ бўлди ва Луи ван Гал шогирдларига қарши пенальтилар сериясида рухиятни оширувчи ғалабага эришди. Бугун улар Хорватияни "қиличдан ўтказа оладими" ёки йўқми, билмадик. Билганимиз, бизни муросасиз ва қизиқарли ўйин кутиб турипти.
Айни пайтда Хорватия жаҳон чемпионатида яна кутилганидан узоқроққа бормоқда. Ва улар олдинги босқичда турнир фаворитларидан бири Бразилияни мағлуб этишди. Далич мусобақа давомида тартибли мудофааси бор эканини кўрсатди.
Аргентина
Аргентинада Хорватияга қарши юқори босимли ярим финал ўйини олдидан жиддий жароҳатлар ҳақида хавотирлар йўқ. Бироқ, Лионель Скалони дисквалификация туфайли Гонсало Монтиэль ва Маркос Акунья хизматларидан фойдалана олмайди.
"Ла Албиселесте" 4-3-3 схемасида майдонга тушиши кутилмоқда, бунда Эмилиано Мартинес дарвозани қўриқлайди. Неуэль Молина ўзининг сўнгги ўйинида яхши таассурот қолдирди ва бугун ўнг қанот ҳимоячиси сифатида ўйинни бошласа керак. Николас Тальяфико Акунья йўқлигида чап қанот ҳимоячиси вазифасини бажаради. Марказий ҳимоячиларга келадиган бўлсак, Кристиан Ромеро ва Николас Отаменди учун асосий таркиб деярли кафолатланган.
Ярим ҳимояда Родриго Де Пауль Энсо Фернандес ва Алексис Мак Аллистерларнинг асосий таркибда ўйинни бошлаш эҳтимоли юқори.
Олдинги учликда Лионель Месси марказни чапроқда Хулиан Алварес ва ўнгроқда Анхель Ди Мария билан бошлаши кутилмоқда. Месси Аргентина учун Хорватияга қарши ўйинда жамоанинг "мотор"и бўлиши ўз-ўзидан маълум.
Эҳтимолий таркиб (4-3-3): Мартинес; Молина, Ромеро, Отаменди, Тальяфико; Де Паул, Фернандес, Мас Аллистер; Ди Мария, Месси, Алварес
Хорватия
Златко Даличда бу ҳафта ярим финал ўйини олдидан жиддий жароҳатлар йўқ. Шунингдек, жамоада дискилификация қилинган футболчилар ҳам топилмайди.
ЖЧ-2018 финалчилари дарвозада Доминик Ливакович билан 4-3-3 кўринишида жойлашиши кутилмоқда. 27 ёшли футболчи иккита пенальтилар сериясида жамоасини қутқариб қолгани учун турнирда алоҳида ўрин тутмоқда. У бу ўйинда ҳам ўзига билдирилган ишончни оқлаши кутилмоқда.
Айни пайтда, гранд клубларда қизиқиш уйғотаётган Йосип Юранович ўнг қанот ҳимоячиси, Борна Соса эса чап қанот ҳимоячиси сифатида майдонга тушади. Иқтидорли ёш ҳимоячи Йошко Гвардиоль Хорватия ҳимоясининг марказида Дейан Ловрен билан ҳамкорлик қилади. Иккала футболчи ҳам турнирда жуда яхши натижа кўрсатишди ва улар Лионель Мессининг имкониятларини чеклай олишига умид қилмоқда.
Хорватия ярим ҳимояси Лука Модрич, Марсело Брозович ва Матео Ковачичдан иборат бўлиши табиий. Брозович ҳимоя вазифаларини бажариши кутилади, Ковачич ва Модрич эса тўпни назорат қилишда ёрдам беришади ва ҳужумчиларга имконият яратади.
Ҳужумда Иван Перишич ва Марио Пашалич кенг позицияларда бошлайди. Ва ниҳоят, Бруно Петкович Бразилия дарвозасига муҳим гол урганидан кейин буган асосий ҳужумчи сифатида ўйинни бошласа керак.
Эҳтимолий таркиб (4-3-3): Ливакович; Юранович, Гвардиоль, Ловрен, Соса; Ковачич, Брозович, Модрич; Пашалич, Петкович, Перишич
Асосий статистика
Сешанба кунги тўқнашув Аргентина ва Хорватия ўртасидаги Жаҳон чемпионатларидаги учинчи учрашув бўлиб, плей-офф босқичидаги биринчи учрашув бўлади. Аргентина 1998 йилда 1:0 ҳисобида ғалаба қозонган, 2018 йилда Россияда бўлиб ўтган баҳсда Хорватия 3:0 ҳисобида ғалаба қозонган.
Аргентина бу йил гуруҳ босқичида Польшани 2:0 ҳисобида мағлуб этиб, Европа жамоаларига қарши жаҳон чемпионатининг сўнгги етти ўйинидан фақат биттасида ғалаба қозонди. Шунингдек, Аргентина ўша 7 баҳснинг 3 тасида дуранг ўйинаган. 2 баҳсда пенальтилар сериясида рақибини таслим этган.
Хорватия кетма-кет финалга чиқиш арафасида бўлишига қарамай, 2018 йилги гуруҳ босқичида Исландия устидан 2:1 ҳисобида ғалаба қозонганидан сўнг ЖЧнинг сўнгги тўққизта ўйинида биринчи бўлиб гол ура олмаган.
Хорватия терма жамоаси жаҳон чемпионатининг плей-офф босқичидаги ўнта ўйинда гол ура олмаган. Шу билан бирга, улар сўнгги саккизта ўйиннинг ҳар бирида камида бир марта гол ўтказиб юборишган, сўнгги олтита плей-офф ўйиннинг бештаси қўшимча бўлимларга бориб тақалади.
Лионел Месси жаҳон чемпионатининг учта турли ўйинида, шу жумладан бу йилги турнирда иккита (Мексика ва Нидерландияга қарши) ўйинда гол урди ва голли узатмани амалга оширди. 1966 йилдан бери ҳеч бир футболчи тўртта ўйинда буни амалга ошира олмаган.
Хорватиянинг статистикасига эътибор берсак, Аргентинанинг биринчи гол уриши европаликклар учун фожеа эмас. Шунингдек, улар асосан рақибини қўшимча таймларни ўйнашга мажбур қила олади. Эҳтимол, бугун Ливакович ва Мартинеснинг пенальтилар сериясида дуэлини кўрармиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
