Месси тарихда ким бўлиб қолади? 10, 20, 50 йилдан кейин у ҳақда қандай гапиришади? Фаолияти якунида аргентиналик узоқ вақт бўйсунмаган бош совринни қўлга киритди. Ахир охирги катта ғалаба ҳаммасидан ҳам муҳим эмасми? Месси яна бир нечта Франция чемпионлигини қўлга киритган тақдирда ҳам, унинг якуний энг катта ютуғи 2022 йилги жаҳон чемпионатида ғалаба қозониш бўлди. Ҳикоянинг чиройли якуни.
Лекин биргина воқеа ҳаммасини чалкаштириб юбориши мумкин. Бунинг учун аргентиналикка яна бир “Олтин тўп”ни бериш кифоя. Кейин Месси ҳақида сўнгги таассурот Жаҳон чемпионлиги эмас, бошқа нарса бўлиб қолиш эҳтимоли бор. Чунки Месси ҳали ҳам “ПСЖ”ни Чемпионлар лигасида ғалаба қозонишга етаклаши мумкин. Франция чемпионатидаги ғалаба жуда нисбий натижа сифатида қаралади.
Агар “Олтин тўп” августдан июнгача бўлган бутун мавсум учун топширилса (бу шундай тақдим этилади), унда нега мукофот ЖЧ-2022нинг еттита ўйинида яхши ўйин кўрсатган футболчига берилиши керак? Месси ҳақиқатан ҳам Қатарда ажойиб эди. Бунинг учун у Жаҳон чемпионатидан ташқари, турнирнинг энг яхши футболчиси учун ҳам мукофот олди. Аммо "Олтин тўп" учун жаҳон чемпионати босқичлардан бири бўлиб хизмат қилиши керак, холос. Албатта, бу муҳим омил, аммо у мавсумнинг қолган 90%дан ошиб кета олмайди. Аввалги жаҳон чемпионатлари ўтказилган йилларни эслашнинг ўзи кифоя. 2010, 2014 ва 2018 йилларда "Олтин тўп" умуман жаҳон чемпионларига берилмаган.
Месси “Олтин тўп”ни қўлга киритса, яна азалий саволлар ёдга тушади. Нега Снейдер 2010 йил охирида соврин ололмади? 2021 йил якунлари бўйича "Олтин тўп" нега Левандовскига берилмади? Левандовски кубоклар ва шахсий статистика бўйича ҳам Мессидан ўзиб кетган эди. Аммо якунда дунёнинг энг яхши ўйинчисига бериладиган соврин кимга берилгани ҳамманинг ёдида.
"Олтин тўп" учун бир нечта даъвогарлар аллақачон мавжуд: Холанд, Мбаппе, Неймар, балки Хвича ҳам бу мавсумдаги супер ўйини билан бу рўйхатни кенгайтирар. Аммо клублар футболида мавсумнинг асосий қисми ҳали олдинда. Ким ўша кучли савияда ўйнашда давом этишини билмаймиз. Ким қандай соврин ютиши ҳан аниқ эмас. Муҳими, жаҳон чемпионати билан таққосланадиган Чемпионлар лигаси бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
