Брдарич «Бунёдкор»даги фаолиятини якунлади
Томас Брдаричнинг Тошкентдаги меҳнат фаолияти якунига етди. “Бунёдкор” клубининг спорт директори лавозимида ишлаган германиялик Томас Брдарич ўз юртига қайтиб кетди.
— Германиялик машҳур футболчи ва етук мутахассис “Бунёдкор” ФКнинг болалар-ўсмирлар футбол мактаби ўқув-машғулот жараёнининг янада юксалтириш мақсадида таклиф этилганди. Томас билан тузилган шартнома муддати ниҳоясига етганлиги учун у билан йўлларимиз айрилди. Брдарич ортда қолган вақт давомида келишувимизда кўзда тутилган барча ишларни амалга оширди. У билан бирга фаолият олиб борган футбол мактабимиз мураббийларининг футболга ва ўз ишига бўлган қарашлари ҳамда муносабати тубдан ўзгарди. Томас футбол мактабимиздаги ҳар бир гуруҳ машғулотларини ва учрашувларини тўлиқ таҳлил қилиб борди. Тайёрлов гуруҳлари билан унинг ўзи шуғулланди. Бош жамоамиз иштирокидаги ўйинлардан олган таассуротлари билан ҳам ўртоқлашди. Шунингдек, асосий жамоа мураббийларига ҳам кўмаклашди. Умид қиламизки, Бунёдкор ФК ва Томас Брдарич ўртасида ўрнатилган дўстлик алоқалари ҳали узоқ вақтгача сақланиб қолинади. Брдаричнинг ҳақиқий профессионалларга хос тарзда юритган меҳнат фаолияти учун миннатдорчилик билдирамиз ва унинг келгуси ишларида ҳам муваффақиятлар тилаймиз. Уни юртимизда яна кўришдан бениҳоят хурсанд бўламиз, - деди “Бунёдкор” ФКнинг биринчи вице-президенти Бош директори Баҳромжон Давлатов.
Германиялик мутахассиснинг жўнаб кетиши арафасида футбол мактаби мураббийлари ва ходимлари билан биргаликда ҳайрлашув учрашуви бўлиб ўтди. Унда мураббийлар шартномада кўрсатилган муддат давомида бирга иш олиб борганликлари учун Томас Брдаричга алоҳида миннатдорчилик билдиришди.
— Тошкентда ўз ишини маромига етказиб бажараётган жуда кўплаб очиқ кўнгил инсонлар билан танишдим. Ўзбекистоннинг етакчи жамоаси Бунёдкорда иш юритганимдан хурсандман. Умид қиламанки, юртингизнинг янги футбол ютуқларидан хабар топганимда мен билан шуғулланган ўзбек ўғлонларини кўриб қувонаман. Менда Тошкент ва меҳмондўст ўзбек халқи ҳақида жуда-жуда илиқ таассуротлар қолди. Бунёдкорга нафақат Ўзбекистон чемпионати ва кубоги баҳсларида, балки халқаро турнирларда ҳам янгидан-янги ғалабалар тилаб қоламан, - дейди германиялик мутахассис.
Томас Брдарич 3 август куни Германияга жўнаб кетди.
Манба: www.fcbunyodkor.com
Киритилди: 14:03, 08.08.2012. Ўқилди: 5684 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
