Сайёрамиздаги энг бадавлат инсон - Илон Маск ўзига тегишли «Твиттер» ижтимоий тармоғининг ЖЧ-2022га боғлик қизиқарли статистик кўрсаткичларини эълон қилди.
Унга кўра, Қатар мундиали турли рақамлар бўйича охирги икки йирик спорт турнири (ЖЧ-2018 ва Токио-2022 Олимпиадаси)дан анча илгарилаб кетди.
Табиийки, энг оммавий ижтимоий тармоқлардан бири саналган «Твиттер» олами ҳам Қатар-2022 мундиали билан ҳамнафас бўлди. Мана, асосий ҳосилалар:
#World хэштеги тармоқда энг юқори ўринлардан жой олди.
#WC2022 остидаги муҳокама ва фикр-мулоҳазалар меъёри 147 миллиард «твит»га етди ва #WC2018ни енгилгина ортда қолдириб, #Tokio2020дан 2 баравар кўп натижа кўрсатди.
ЖЧ-2022 вақти муҳокамалар авжига чиққан асосий 5та ҳолат:
1. Аргентина - Франция. Финал. Пенальтилар серияси якунланди, Аргентина чемпионлик қўлга киритди.
2. Аргентина - Франция. Финал. Мбаппе қойилмақом зарбаси билан ҳисобни тенглаштирди.
3. Хорватия - Бразилия. 1|4 финал. Бразилия пенальтилар сериясида муваффақиятсизликка учради, Хорватия ярим финалга чиқди.
4. Аргентина - Франция. Финал. Анхель ди Мария ҳисобни 2:0 кўринишига келтирди.
5. Хорватия - Бразилия. 1|4 финал. Неймар 106-дақиқада гол уриб, Бразилияни олдинга олиб чиқди.
Мусобақа давомида номи энг кўп тилга олинган футболчи - Лионель Месси. Бу борада юқори бешлик тартиби:
1. Лионель Месси
2. Килиан Мбаппе
3. Неймар
4. Криштиану Роналду
5. Сон Хюн Мин
Табиийки, чемпион - Аргентина термаси энг кўп эсланган иштирокчи бўлди. Бу борада юқори бешлик тартиби:
1. Аргентина
2. Бразилия
3. Франция
4. Португалия
5. Хорватия
«Твит» қолдириш масаласида бразилияликларга етадигани топилмади. Бу борада юқори бешлик тартиби:
1. Бразилияликлар
2. Японияликлар
3. Аргентиналиклар
4. Америкаликлар
5. Францияликлар
- Франция термаси голига сониясига 24,400 «твит» - бу жаҳон чемпионатидаги энг юқори натижа! Илон Маск («Твиттер» эгаси).
Ниҳоят, Аргентина термасини жаҳон чемпионати тахти сари етаклаган Лионель Мессининг кубок билан тушган суратлари коллекцияси эса «Инстаграм»да рекорд ўрнатди. Леонинг ушбу постига 72 миллиондан кўп «лайк» босилди. «Инстаграм» тармоғи тарихида бирор пост бу қадар кўп «лайк» тўпламаганди. Аввалги рекорд 2019 йилнинг январида қайд этилган бўлиб, оддий товуқ тухуми суратига 56 миллиондан камроқ «лайк» босилганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
