Сослан Тигиев: «Муваффақиятимни мустақиллигимизнинг 21 йиллигига бағишлайман»
ХХХ ёзги Олимпия ўйинларида эркин кураш устаси Сослан Тигиев Ўзбекистон Республикаси спорт делегацияси ҳисобига учинчи бронза медални қўшди.
Ўзбекистон спортчиларининг халқаро майдонда қўлга киритаётган юксак муваффақиятлари аввало, юртимиз мустақиллиги ва Президентимиз Ислом Каримов томонидан спортни ривожлантиришга қаратилаётган улкан эътибор ва ғамхўрликларнинг амалдаги самарасидир.
Лондон шаҳрида ниҳоясига етаётган ХХХ ёзги Олимпия ўйинлари дастуридан жой олган эркин кураш беллашувлари ўзбек полвонлари учун омадли бошланди. Вазни 74 килограммгача бўлган эркин курашчилар баҳсида 19 давлат вакиллари совринли ўринлар учун куч синашди. Ушбу вазн тоифасида мамлакатимиз шарафини ҳимоя қилган Сослан Тигиев дастлабки учрашувда грециялик Олег Мотсалинни мағлубиятга учратди. С.Тигиев ярим финалга чиқиш учун башда жаҳон чемпионати финалчиси эронлик Содиқ Саид Гударзига ютқазган бўлса-да, бронза медал учун курашиш имкониятини сақлаб қолди.
Кейинги учрашувда кучли рақиб – Пекин Олимпиадаси совриндори Кирил Терзиев (Болгария) устидан катта ҳисобда зафар қучган иқтидорли курашчимиз бронза медал учун баҳсда венгриялик Габор Хатошни мағлубиятга учратиб, шоҳсупанинг учинчи поғонасига кўтарилди.
- Ўзбекистон спорт делегацияси ҳисобига бронза медал қўшиб, халқимиз ишончини оқлай олганимдан хурсандман, – дейди Сослан Тигиев. – Халқаро майдонда қўлга киритаётган ютуқларимиз, шубҳасиз, истиқлолимиз шарофатидандир ва мен ушбу муваффақиятимини Ўзбекистон Республикаси мустақиллигининг 21-йиллигига бағишлайман.
1983 йилда туғилган Сослан Тигиев 2005 йилдан буён халқаро майдонларда юртимиз шарафини муносиб ҳимоя қилиб келмоқда. У спорт оламининг барча нуфузли мусобақалари – Олимпия ва Осиё ўйинлари, жаҳон ва қитъа чемпионатлари, жаҳон кубоги мусобақаларида шоҳсупага кўтарилган спортчилардандир. У 2005 йилги қитъа чемпионатида кумуш, бир йилдан сўнг жаҳон чемпионати ва Қатардаги Осиё ўйинларида бронза медални қўлга киритган. 2007 йилда жаҳон кубогини олган. 2008 йили Пекин Олимпиадасида терма жамоамиз ҳисобига кумуш медал қўшган.
Президентимиз Ислом Каримов томонидан Сослан Тигиев 2008 йилда Ватанимизнинг юксак мукофоти – “Ўзбекистон Республикасида хизмат кўрсатган спортчи” фахрий унвони билан тақдирланган.
Манба: www.uza.uz
Киритилди: 11:46, 11.08.2012. Ўқилди: 4700 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
