Дарвозабон Эмилиано Мартинес Аргентина терма жамоасининг жаҳон чемпионатидаги энг катта қаҳрамонларидан бири ҳисобланади. У Нидерландия ва Францияни пенальтиларда енгиб, финалга қўшиб берилган сўнгги дақиқада жамоани қутқарибгина қолмай, ғалати қилиқлари билан ҳам эсда қолди. “Олтин қўлқоп”ни олганидан сўнг у бутун дунёга қандай қилиб ҳақоратли ишора кўрсатганини ҳамма эслайди. Аммо бу ҳали ҳаммаси эмасди. Буенос-Айресдаги байрам паради пайтида дарвозабон қўлида Килиан Мбаппе билан вуду қўғирчоғини ушлаб, ўйинчоқ солинадиган қутини ёқиб юбораётганини ҳам кўрдик. Бу аллақачон кўплаб француз мухлисларининг реакциясини келтириб чиқарди. Аммо ҳозир кипер ўзи тўп сураётган клуби билан муаммолари бор. EstadioDeportivo хабарига кўра, 30 ёшли дарвозабон қишда "Астон Вилла"ни тарк этиши мумкин. Жамоа бош мураббийи Унаи Эмери у билан ишлашни истамаяпти.
Нега мураббий Мартинесга қарши?
Эмери финалдан сўнг дарҳол футболчининг бундай хатти-ҳаракатларига йўл қўйиб бўлмаслигига ишора қилди. Ва у жамоага қайтганидан кейин у билан шу мавзуда гаплашишга ваъда берди. Эҳтимол, суҳбат бўлиб ўтди. Унинг натижалари яхши бўлмаган кўринади. Инсайдерларнинг фикрича, дарвозабоннинг келажаги бўйича қарор қабул қилинган. "Астон Вилла" Мартинесни сотиш бўйича таклифларни кўриб чиқишга тайёр ва ўрнига "Севилья"дан жаҳон чемпионатида ҳам ажойиб ўйнаган марокашлик дарвозабон Бунуни олиб келмоқчи. Баъзиларнинг фикрича, у худди шундай даражада "Олтин қўлқоп"га лойиқ эди.
Қизиғи шундаки, Мартинес "Астон Вилла"нинг жорий мавсумдаги асосий футболчиси ҳисобланади. Аммо бу Стивен Жеррард даврида эди. Октябр ойи ўрталарида мураббий ишдан бўшатилди. Унинг ўрнини эса "Вильярреал"нинг собиқ устози Унаи Эмери эгаллади. У Мартинесни дарвозада қолдирди ва жаҳон чемпионатидаги паузагача жамоа бир марта ғалаба қозонди ва бир марта мағлуб бўлди. Аммо "Ливерпуль" билан мавсум қайта старт олгандан кейинги биринчи ўйинда Мартинес ҳаттоки таркибга ҳам тушмади. Дарвозада Робин Олсен унинг ўрнини эгаллади. Кимдир буни кетишга ишора сифатида қабул қилди, кимдир - мураббий аргентиналикка жаҳон чемпионатидан кейин дам бергани сифатида.
Шу билан бирга, “Севилья” Қатарда ўзини ажойиб кўрсатган Бунуни қўйиб юборишни истамаяпти. Аммо пул аргумент бўлиши мумкин. Испанлар ҳозир яхши молиявий холатда эмаслар, шунинг учун улар жуда фойдали таклифни рад этишлари даргумон.
Эмери аллақачон Мартинес билан зиддиятга эга эди.
Мартинес "Арсенал"га 19 ёшида қўшилди, аммо бу йилларнинг деярли барчасини ижарада ўтказди ва вақти-вақти билан жамоага қайтди. Аммо ёши улғайган сари, бу унинг ғазабини кучайтирди. Эмери жамоани 2018 йилнинг майидан 2019 йилнинг ноябригача бошқарган. Айнан ўша пайтда Мартинес, кўпинча захира ўриндиғида қоларди.
FootballInsider хабар беришича, мураббий ва футболчи жамоадаги ўрни ҳақида бир неча бор суҳбатлашган, бироқ Мартинес испанияликлар қўл остида ҳеч қачон биринчи рақам бўлмаган. Бироқ, у кетганидан кейин “Арсенал”га яхши кипер керак бўлиб қолганди – ўша пайтдаги асосий дарвозабон Бернд Ленонинг жароҳати бунга сабаб бўлган.
"Арсенал"дан кетган Эми "Астон Вилла"га йўл олди, у ерда асосий таркиб эгаси бўлди ва терма жамоадагилар эътиборига тушди.
Мартинес фаолиятини қаерда давом эттириши ҳозирча аниқ эмас. Бироқ, британиялик инсайдерларнинг фикрича, у Англияни тарк этишни истамайди. Демак, уни бошқа Премьер-лига клубида кўришимиз мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
