Darvozabon Emiliano Martines Argentina terma jamoasining jahon chempionatidagi eng katta qahramonlaridan biri hisoblanadi. U Niderlandiya va Fransiyani penaltilarda yengib, finalga qo‘shib berilgan so‘nggi daqiqada jamoani qutqaribgina qolmay, g‘alati qiliqlari bilan ham esda qoldi. “Oltin qo‘lqop”ni olganidan so‘ng u butun dunyoga qanday qilib haqoratli ishora ko‘rsatganini hamma eslaydi. Ammo bu hali hammasi emasdi. Buyenos-Ayresdagi bayram paradi paytida darvozabon qo‘lida Kilian Mbappe bilan vudu qo‘g‘irchog‘ini ushlab, o‘yinchoq solinadigan qutini yoqib yuborayotganini ham ko‘rdik. Bu allaqachon ko‘plab fransuz muxlislarining reaksiyasini keltirib chiqardi. Ammo hozir kiper o‘zi to‘p surayotgan klubi bilan muammolari bor. EstadioDeportivo xabariga ko‘ra, 30 yoshli darvozabon qishda "Aston Villa"ni tark etishi mumkin. Jamoa bosh murabbiyi Unai Emeri u bilan ishlashni istamayapti.
Nega murabbiy Martinesga qarshi?
Emeri finaldan so‘ng darhol futbolchining bunday xatti-harakatlariga yo‘l qo‘yib bo‘lmasligiga ishora qildi. Va u jamoaga qaytganidan keyin u bilan shu mavzuda gaplashishga va’da berdi. Ehtimol, suhbat bo‘lib o‘tdi. Uning natijalari yaxshi bo‘lmagan ko‘rinadi. Insayderlarning fikricha, darvozabonning kelajagi bo‘yicha qaror qabul qilingan. "Aston Villa" Martinesni sotish bo‘yicha takliflarni ko‘rib chiqishga tayyor va o‘rniga "Sevilya"dan jahon chempionatida ham ajoyib o‘ynagan marokashlik darvozabon Bununi olib kelmoqchi. Ba’zilarning fikricha, u xuddi shunday darajada "Oltin qo‘lqop"ga loyiq edi.
Qizig‘i shundaki, Martines "Aston Villa"ning joriy mavsumdagi asosiy futbolchisi hisoblanadi. Ammo bu Stiven Jerrard davrida edi. Oktyabr oyi o‘rtalarida murabbiy ishdan bo‘shatildi. Uning o‘rnini esa "Vilyarreal"ning sobiq ustozi Unai Emeri egalladi. U Martinesni darvozada qoldirdi va jahon chempionatidagi pauzagacha jamoa bir marta g‘alaba qozondi va bir marta mag‘lub bo‘ldi. Ammo "Liverpul" bilan mavsum qayta start olgandan keyingi birinchi o‘yinda Martines hattoki tarkibga ham tushmadi. Darvozada Robin Olsen uning o‘rnini egalladi. Kimdir buni ketishga ishora sifatida qabul qildi, kimdir - murabbiy argentinalikka jahon chempionatidan keyin dam bergani sifatida.
Shu bilan birga, “Sevilya” Qatarda o‘zini ajoyib ko‘rsatgan Bununi qo‘yib yuborishni istamayapti. Ammo pul argument bo‘lishi mumkin. Ispanlar hozir yaxshi moliyaviy xolatda emaslar, shuning uchun ular juda foydali taklifni rad etishlari dargumon.
Emeri allaqachon Martines bilan ziddiyatga ega edi.
Martines "Arsenal"ga 19 yoshida qo‘shildi, ammo bu yillarning deyarli barchasini ijarada o‘tkazdi va vaqti-vaqti bilan jamoaga qaytdi. Ammo yoshi ulg‘aygan sari, bu uning g‘azabini kuchaytirdi. Emeri jamoani 2018 yilning mayidan 2019 yilning noyabrigacha boshqargan. Aynan o‘sha paytda Martines, ko‘pincha zaxira o‘rindig‘ida qolardi.
FootballInsider xabar berishicha, murabbiy va futbolchi jamoadagi o‘rni haqida bir necha bor suhbatlashgan, biroq Martines ispaniyaliklar qo‘l ostida hech qachon birinchi raqam bo‘lmagan. Biroq, u ketganidan keyin “Arsenal”ga yaxshi kiper kerak bo‘lib qolgandi – o‘sha paytdagi asosiy darvozabon Bernd Lenoning jarohati bunga sabab bo‘lgan.
"Arsenal"dan ketgan Emi "Aston Villa"ga yo‘l oldi, u yerda asosiy tarkib egasi bo‘ldi va terma jamoadagilar e’tiboriga tushdi.
Martines faoliyatini qayerda davom ettirishi hozircha aniq emas. Biroq, britaniyalik insayderlarning fikricha, u Angliyani tark etishni istamaydi. Demak, uni boshqa Premyer-liga klubida ko‘rishimiz mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
