2007 йилда Месси ўз ўйини билан эътиборни тортди - бир йил олдин Лео «Барса»нинг асосий жамоасига кира бошлаган ва отаси эса ўғлининг келажаги буюк эканини тушуниб, иқтисодий ньюанслар ҳақида ўйлай бошлади. Асосий вазифа ўғлининг имиджидан тушган фойдани молиявий жиҳатдан оптималлаштириш эди. Оддий қилиб айтганда, унинг фойдасига солиқларни иложи борича камайтириш ва буни қонуний равишда уддалаш. Бунинг учун таниқли усул мавжуд - «ўзаро Ирландия келишуви», ўйинчининг имидж ҳуқуқи битта компанияга сотилади ва уларни амалга оширишда шерик компаниялар тармоғидан фойдаланилади. Бу схема солиқ имтиёзларини камайтириш имконини беради.
Аммо бу охир-оқибат Мессини 2013 йилда 2007 ва 2009 йиллар оралиғидаги 4,1 миллион евро солиқ тўлашдан бўйин товлаганликда айбланишига олиб келди. Прокурорларнинг ишончи комил эди: Pepsi-Cola, Procter & Gamble, adidas, Banco Sabadell, Danone ва Kuwait Food билан шартномалар Белиз, Уругвай, Швейцария ва Буюк Британияда офшорга кетаётган эди, Месси оиласи эса солиқ тўлашдан қочган. Шундай қилиб, Лео ўзининг 10,1 миллион евролик реклама даромади учун деярли ҳеч нарса тўламади. Месси айбловдан қочиб қутула олмади, чунки унинг имзоси баъзи «Панама ҳужжатлари»да пайдо бўлган. Тергов давомида Лионель ва унинг отаси Mega Star Enterprises ширкатининг фойда олувчилари эканлиги маълум бўлди. Бу ҳийла-найрангларнинг барчаси Уругвайнинг Mossack Fonseca юридик фирмаси туфайли амалга оширилди, у Лионель имзолаган ўша «Панама ҳужжатлари»ни тегишли идораларга топширди. Шунингдек, Месси бошқа бир компания Jenbril S.Aнинг ягона ҳамкори эканлиги ҳам тасдиқланди.
«Мен футбол ўйнайман. Бошқа ҳеч нарсани билмайман!»
Суд жараёни 2015 йилга белгиланган эди, бироқ Месси судгача ишни тўхтатишга уринди. Футболчи 5 миллион евро «жарима тўлови»ни амалга оширди, аммо бу ёрдам бермади. «Мен футбол ўйнаганман. Мен ҳеч нарсани билмасдим. Отамга ва адвокатларимга ишондим», - деди судда футболчи барча айбловларни рад этиб, молиявий масалалар билан шуғулланмаганини таъкидлади, чунки бу масалалар билан унинг отаси ва профессионал маслаҳатчилари шуғулланган. Шу сабабли, Лео гўё улар имзолаган ҳужжатларни ҳам ўқимаган. Дастлаб, Месси солиқларни тўламаганликда гумон қилинган эди. Офшор компаниялар билан ишлаган пайтда у атиги 18 ёшда эди. Суд жараёнида нафақат прокуратура, балки давлатдан адвокат ҳам иштирок этгани Леонинг аҳволини оғирлаштирди. Айнан у ўғлини ҳам, отасини ҳам 22 ойлик қамоқ жазосига ҳукм қилишни талаб қилган. Натижада суд ҳақиқатан ҳам штат вакили тарафини олди ва Хорхе ҳам, Лионель Месси ҳам учта эпизодда солиқ тўлашдан бўйин товлаганликда айбдор деган хулосага келди.
Футболчи ва унинг отаси 21 ойлик қамоқ жазосига ҳукм қилинди ва жаримага тортилди. Лео учун - 2 миллион евро, Хорхе Месси учун эса 1,5 миллион. Испания қонунчилиги уни қамоқдан қутқарди, унга кўра солиқ жиноятлари учун икки йилгача бўлган муддат шартли қамоқ жазоси билан алмаштирилиши мумкин. Лионель айбини тан олмади. У Испания Олий судига апелляция аризаси билан мурожаат қилган, кейинчалик у рад этилган. Шунга қарамай, «Барселона» футболчи томонида бўлди ва Леони омма олдида қўллаб-қувватлади. «Барселона» ҳукми муносабати билан Лео Месси ва унинг отаси тўлиқ қўллаб-қувватланиши керак эди. Яъни прокуратура позициясига кўра, Испания солиқ идорасида ўз ҳолатини тўғирлаган футболчи ҳеч қандай ҳолатда жиноий жавобгарликка тортилмаслиги керак. Лео Месси ва унинг оиласи футболчи ўзининг айбсизлиги ва қонуний манфаатларини ҳимоя қилиш учун «Барселона»нинг ёрдамига ишонишда давом этиши мумкин», — дейилади Каталония клуби баёнотида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
