Испанияда ҳукм сураётган иқтисодий кризис туфайли авж олган ишсизлик, боз устига "Камп Ноу"га кириш чипталари нархининг ошганлиги ушбу ўйинга "бор-йўғи" 58 мингга яқин томошабинни жалб қила олди.
4-дақиқадаёқ учрашувдаги ҳисобни "Барселона" сардори Карлес Пуйол ўзига хос усулда – бош билан зарба бериб очди.
Гонсало Кастронинг жавоб тўпи эса "Наҳотки?" деган саволни бир зумга пайдо қила олди холос. Чунки бу ўйингача "Реал" ўз майдонида "Валенсия" билан 1:1 ҳисобида ўйнаб бўлган эди. Бироқ Мессининг кетма-кет голлари, қўрқув, эътироз, тахмин, хоҳиш ва истакларини ўртадан кўтариб ташлади.
Танаффусгача Педронинг киритган голи бугунги учрашувда ким ғолиб бўлиш масаласига узил-кесил аниқлик киритди.
Иккинчи бўлимда эсга қолган воқеалардан бири сардорнинг ўз ўрнини пикега бўшатиб берганию ва 3-рақамли ҳимоячи иккинчи бўлимнинг энг фаол ва бехато ўйнаган футболчиси бўлган бўлса, иккинчиси — узоқ танаффусдан сўнг Давид Вильянинг майдонга қайтиши бўлди. У 15 дақиқадан сал зиёд тўп сурган бўлса-да, якуни ҳисобни ўрнатишга улгурди – 5:1.
ИСПАНИЯ ЛА-ЛИГАСИ. 1-ТУР
БАРСЕЛОНА – РЕАЛ СОСЬЕДАД 5:1 (4:1)
Голлар: Пуйол (4), Месси (11, 16), Педро (41), Давид Вилья (84) – Гонсало Кастро (9)
БАРСЕЛОНА: Валдес, Пуйол (Пике (50), Дани Алвеш, Хорди Альба, Хавьер Маскерано, Фабрегас (Иньеста, 58), Хави, Бускетс, Месси, Педро (Давид Вилья, 75), Тельо
РЕАЛ СОСЬЕДАД: Клаудио Браво, Ансотеги, Микель Гонсалес, Дани Эстрада, Де Ла Бельа, Гонсало Кастро (Хосе Ангел, 73), Хаби Прието, Элустондо (Вела, 65), Асьер Ильарьаменди (Хави рос, 77), Бергара, Грисманн
Огоҳлантиришлар: Маскерано (39), Давид Вилья (84) — Хаби Прието (34), Де Ла бельа (71), Ансотеги (81)
Бош ҳакам: Хосе Луис Гонсалес Гонсалес
19 август. Барселона. "Камп Ноу". 57.500 томошабин.
Матнда хатолик топсангиз, ўша хатони белгилаб, бизга жўнатинг (Ctrl + Enter).