Аргентина терма жамоаси ярим ҳимоячиси Энцо Фернандес жаҳон чемпионатида ажойиб натижа қайд этди. У олтин медаль ва турнирнинг энг яхши ёш футболчиси унвонини олди. Бундай ўйиндан сўнг ярим ҳимоячи АПЛга ўтиш учун қишда "Бенфика"ни тарк этадигандек туюлди. Трансфер ойнаси тугашига саноқли кунлар қолган Энцо ҳамон Португалия клубида ўйнамоқда. У мавсумни жамоада якунлашга тайёр, аммо бунинг учун 2 миллион евро сўрамоқда.
Бир неча ҳафта олдин Фернандес фаолиятини “Челси”да давом эттирадигандек туюлаётганм эди. 22 ёшли футболчининг шартномасида товон пули 120 миллион еврони ташкил этади.“Челси” бу пулни тўламоқчи эди, бироқ буни уч йил ичида амалга оширмоқчи эди. "Бенфика" раҳбарияти бу вариантни дарҳол рад этди.
Бундан ташқари, "Челси" ўз футболчиларидан бирини шартномага қўшиш варианти устида ишлади. Шу тариқа, лондонликлар Фернандес учун пулни бир неча ўн миллионга камайтиришга ҳаракат қилишди, аммо "Бенфика" яна рад жавобини берди. Клуб раҳбарияти уларнинг таркибида қандай футболчи борлигини тушунади ва у билан 120 миллион еврога хайрлашишга тайёр эканликларини қайта-қайта такрорлашди.
Футболчи Аргентинага клуб рухсатисиз кетганидан кейин Фернандеснинг “Бенфика” раҳбарияти билан муносабатлари бироз ёмонлашган. Энцо Янги йилни ўз ватанида нишонлади ва бир нечта машғулотларни ўтказиб юборди. Натижада, “Бенфика” бош мураббийи Рожер Шмидт футболчини Португалия чемпионатининг бир учрашувида майдонаг туширмади.
"Энцо хато қилди. Шу сабабдан у ўйинда иштирок этмади. Биз уни сотмоқчи эмасмиз: мен ҳам, президент ҳам. Лекин шартномада бандлар бор. Агар кимдир келтирилган пулни берса, биз қаршилик қила олмаймиз. Энцога қизиқаётган клуб бор. Улар футболчини фақат товон пули тўлаган тақдирда олишларини билишса-да, уни ўз томонига тортишга ҳаракат қилишди. Умуман олганда, бундай хатти-ҳаракатлар "Бенфика"га нисбатан ҳурматсизликнинг намоён бўлишидир”.
Бироқ, Энцо тезда яна "Бенфика"нинг асосий ўйинчиларидан бирига айланди. Унинг майдондаги ўйини ва муносабати футболчининг Аргентинага рухсатсиз кетганидан норози бўлган мухлислар ишончини қайтаришга имкон берди. “Варзим” билан кубок ўйинида (2:0) Фернандес гол киритди ва кейин "мен шу ерда қоламан" деб баҳоланиши мумкин бўлган ишорани қилди.
Афтидан, Фернандес мавсумни “Бенфика” формасида якунлаши кераклиги билан аллақачон келишган. Португалиянинг Record нашри хабарига кўра, Фернандес фикрини ўзгартирган ва "Челси"га мажбуран ўтиш ниятида эмас. У энди 2 миллион евро миқдорида содиқлик учун бонус талаб қилмоқда. Шундай қилиб, у "Челси"га ўтмагани учун яхши товон пули олади. Қизиқ, “Бенфика” мухлислари бундай хабарни қандай қабул қилишди экан?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
