22 август куни Қарши шаҳридаги "Насаф" марказий стадионида Ўзбекистон Кубоги учун ярим финал учрашувининг дастлабки ўйини "Насаф" ва "Бухоро" жамоалари ўртасида бўлиб ўтади. Хўш бу иккала жамоалар ўз тарихларида Ўзбекистон Кубоги ярим финали босқичида бир-бири билан тўқнаш келишганми?
Агар тарихга назар ташласак ушбу жамоалар кубок учун курашнинг ярим финал босқичида ҳанузгача туқнаш келишмаган экан. 22 август куни бўладиган ярим финалнинг дастлабки учрашуви - биринчиси бўлади.
"Насаф" ўз тарихида Ўзбекистон Кубоги учун курашларда, ярим финалда 5 марта иштирок этган бўлса, шулардан 2 тасида ғолиб чиқиб, финалга йўл олган.
"Бухоро" эса ўз тарихида 2 марта ярим финал босқичида иштирок этган, аммо ҳар иккала иштирокида ҳам мағлуб бўлиб, финалда иштирок этишдан маҳрум бўлган, шуниси қизиқарлики ҳар иккала ярим финалда ҳам Фарғонанинг "Нефтчи" жамоаси билан туқнаш келиб, "Нефтчи" жамоасиининг устунлиги билан якунланган.
Демак, жамоалар ўз тарихларида биринчи марта Ўзбекистон Кубоги ярим финалида туқнаш келишмоқда. Мамлакатимиз чемпионати учрашувлари статистикаси бўйича ҳам бироз устунлик "Насаф" томонида бўлсада, ушбу жамоалар ўртасидаги учрашувларда кўпинча кутилмаган натижалар қайд этилади. Агар "Насаф" биринчи имкониятдан яхши фойдалана олса, бу йил ҳам финалга йўлланма олишга яхши замин яратилади, акс ҳолда...
Учрашувга тайёргарлик ва ўйинни ташкил қилиш унга таркиб танлаш бу албатта бош мураббий қўлида. Ушбу ярим финалнинг дастлабки учрашуви У.Тошев учун мухлислар олдидаги катта имтиҳони бўлади десак, муболаға бўлмаса керак. Чунки бу иккала жамоа бу йил ҳисобидан икки марта куч синашишга улгуриб бўлди, бир-бирини ўйинини ҳам яхши билишади. Эндиги, керакли натижани қайд этиш кўпроқ мураббийларнинг уддабуронлигига ҳам жуда боғлиқ. Қани кўрамиз, ПРО лицензияси соҳиби Усмон Тошевми ёки ёшулли Тачмурод Агамуродов тажрибалироқми?
Ўзбекистон Кубоги ярим финали дастлабки учрашуви
22.08.2012, Қарши шаҳри "Насаф" марказий стадиони, ўйин бошланиш вақти 19:30да
"Насаф" (Қарши) - "Бухоро" (Бухоро)
Бош ҳакам: Ҳасан Рўзиев (Тошкент)
Ёрдамчи ҳакамлар: Евгений Закутилин, Алишер Усмонов,
Заҳира ҳаками: З.Қодиров
Назоратчи: Ғайрат Каримов
Ҳа айтгандек, 22 август куни ўйин бошланиш вақтида, Қарши шаҳрида ҳаво ҳарорати 33-34 даража иссиқ бўлиши кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
