"ПСЖ" ва "Челси" ярим ҳимоячи Хаким Зиешнинг Париж клубига трансфери бўйича ҳужжатларни имзолади. Бироқ, журналист Фабрицио Романонинг Twitter саҳифасида хабар беришича, клублар уларни ўз вақтида рўйхатдан ўтказиш учун тақдим эта олмаган, шунинг учун улар бу масалани ҳал қилишлари керак.
29 ёшли марокашлик футболчининг "Челси" билан шартномаси 2025 йилнинг ёзига қадар мўлжалланган. Transfermarkt портали футболчининг нархини 20 миллион еврога баҳоламоқда.
Зиеш жорий мавсумда барча турнирларда 15 та ўйинда майдонга тушиб, 1 та голли узатмага муаллифлик қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).