"Манчестер Юнайтед" ҳужумчиси Мэйсон Гринвуд билан бўлган шов-шувли воқеа ниҳоят ҳал бўлди. 21 ёшли футболчидан барча айбловлар олиб ташланди ва суд жараёни тугатилди.
Футболчи нимада гумон қилинган?
Гринвуд 2022-йил бошида унинг собиқ севгилиси Харриет Робсон ижтимоий тармоққа лаби ёрилиб, бутун вужудидаги кўкаришлар суратларини жойлаштирганида жанжал келиб чиқди. "Мэйсон Гринвуд менга нима қилаётганини билмоқчи бўлган ҳар бир киши учун", деб ёзган у фотосуратларга. Бундан ташқари, тармоққа Гринвуд ва Робсоннинг овозлари киритилган аудиоёзув тарқалди. Унинг асосида футболчи зўравонликда айбланган.
30 январь куни Манчестер полицияси тергов бошлади, Гринвудни ҳибсга олди ва сўроққа олиб кетди. Мэйсоннинг қўшниларига ҳам саволлар берилди. Футболчи ўша пайтда яшаган уйни бир неча ҳафта олдин ижарага олган эди. Янги қўшнилар ўйинчи ҳақида ёмон нарса демадилар, аммо эскилари Гринвуд қаттиқ коронавирус чекловлари остида ўтказган шовқинли зиёфатлардан шикоят қилишди.
“Манчестер Юнайтед” дарҳол ҳужумчидан узоқлашди. Клуб дўконидан футболчига тегишли барча маҳсулотлар олиб ташланди. Бундан ташқари, "Манчестер Юнайтед" Гринвуд тергов тугагунига қадар машғулотлар ва ўйинларга қайтмаслигини маълум қилди. Баъзи жамоа ўйинчилари ижтимоий тармоқларда Мэйсон обунасини бекор қилди ва Nike ўйинчи билан ҳамкорликни тўхтатди. Ҳаттоки, ЭА ўйинчини ФИФА 22 симуляторидан олиб ташлади.
Шов-шувли хабардан сўнг “Манчестер Юнайтед” мухлислари Гринвуд номи ёзилган футболкаларни ўзгартириш илтимоси билан клуб дўконига қайтаришди. Уларга бошқа ҳар қандай футболчининг формасини текин танлашга рухсат берилди. Гринвуднинг ўзи бир неча марта гаров эвазига озод қилинган, аммо у икки марта шартларни бузган. Унга даъво қилинган жабрланувчи билан алоқа қилиш тақиқланган, аммо Гринвуд муносабатларни ўрнатишга ҳаракат қилган.
Нега Гринвуд айбловлардан озод қилинди?
Кеча 2023 йилнинг 2 февралида футболчи барча айбловлардан озод қилингани маълум бўлди. Прокуратура бошлиғи Майкл Керр шундай деди: “Оммавий ахборот воситаларида ушбу ишнинг юқори ёритилишини инобатга олган ҳолда, 21 ёшли йигит 2022 йил январь ойида бошланган тергов бўйича энди жиноий жавобгарликка тортилмагани ҳақида хабар бериш адолатли. Тергов гуруҳи адвокатлар билан доимий алоқада бўлган ва шунинг учун ушбу босқичда иш юритишни тугатиш сабабларини тушунади. Бу қарор осонлик билан қабул қилинмади.
Оммавий ахборот воситалари ва жамоатчиликнинг қизиқишига қарамай, биз бу масала бўйича батафсил изоҳлар бермасликка қарор қилдик. Муҳим гувоҳларнинг кўрсатув беришдан воз кечиши, шунингдек, янги иш материалларини ўрганиш айблов ҳукмининг ҳақиқий истиқболи йўқлигини англатарди. Бундай шароитда биз ишни тўхтатишга мажбурмиз. Бизнинг хизматимиз қарорни барча томонларга
тушунтирди”.
Собиқ бош прокурор ва ҳозирда Манчестер университети матбуот котиби Назиэл Афзал шундай деб ёзган эди: “Гринвуд иши судда кўрилмайди, чунки у барча айбловлардан ҳоли. Бизнинг тизимимизда гумондор шахснинг айби исботланмагунча айбсиз ҳисобланади. Ҳа, улар аудиоёзувларни эшитиб, шундан келиб чиқиб, жиноят бор-йўқлиги ҳақида фикр билдиришлари мумкин эди. Аммо ҳакамлар ҳайъати айбланувчини далилларга асосланиб ҳукм қилиши мумкин бўлмаса, прокурорлар ишни тўхтатиши талаб қилинади”.
Гринвуд бу мавсумда ўйнай оладими?
Гринвуд бир йилдан ортиқ майдонга тушмади - у сўнгги ўйинини 2022 йил 22 январда "Вест Хем" билан ўтказди (1:0). Гринвуднинг айбловлар олиб ташланганидан кейинги ҳолати ҳозирча ошкор этилмаган.
Қизиғи шундаки, Мэйсоннинг профили ҳатто ҳибсда бўлганида ҳам "Манчестер Юнайтед"нинг расмий веб-сайтида бўлган: "Гринвуднинг мақомида ҳеч қандай ўзгариш йўқ. Биз футболчининг профилини клуб қайдномасидан олиб ташладик, бироқ унинг саҳифаси ҳамон расмий сайтда. Мэйсон "Манчестер Юнайтед"нинг бир қисми бўлиб қолмоқда, гарчи у ҳозирда суд жараёни туфайли жамоадан ташқарида".
Сентябрь ойида манкунианликлар 2022/2023 йилги мавсум учун жамоа таркибини эълон қилишди. Зўравонликда гумон қилинган Гринвуд ёшлар жамоасига (21 ёшгача) киритилди, бу назарий жиҳатдан унга асосий жамоа либосида майдонга тушиш имкониятини беради. “Манчестер Юнайтед” футболчини суд жараёни тугагунига қадар футболдан четлатди ва барча айбловлар олиб ташланганлиги сабабли, Мэйсон фаолиятини давом эттириш имкониятига эга.
"Манчестер Юнайтед" аллақачон вазият бўйича баёнот берди: "Клуб прокуратуранинг Мэйсон Гринвудга қўйилган барча айбловларни олиб ташлаш ҳақидаги қароридан хабардор. "Манчестер Юнайтед" жараён якунланмагунча изоҳ бермайди”, дейилади баёнатда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Испания
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
