Туркиядаги зилзила Анталияда йиғин ўтказаётган клубларимизга зарар етказмадими?
Бугун тонг саҳарда Туркиянинг бир қатор шаҳарларида кучли зилзила кузатилди. Сейсмологларнинг маълумотига қараганда, 7,8 гача бўлган магнитудали ер силкиниши қайд этилган.
Маълумки, Туркиянинг Анталия шаҳрида айни чоғда Ўзбекистондан келган 14 та клуб ва терма жамоаларимиз ўқув-машғулот йиғинларини олиб бормоқдалар. Табиийки, бугунги кучли зилзиладан сўнг хавотир билдириб, бизга кўплаб қўнғироқлар келиб тушмоқда.
Маълумот сифатида шуни айтмоқчимизки, Анталия шаҳрида айтарли ер силкиниши кузатилгани йўқ ва бу ердаги барча юртдошларимиз соғ-саломат. Биз учун қайғурганларга эса ўз миннатдорчилигимизни билдирамиз.
Шу ўринда бошқа шаҳарлардаги зилзила оқибатида вафот этганларнинг яқинларига ҳамдардлигимизни маълум қиламиз.
“Андижон” матбуот хизмати.
Манба: https://t.me/andijonpfc
Киритилди: 14:27, 06.02.2023. Ўқилди: 3337 марта. Фикрлар: 10 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар