“Барселона” ва “Манчестер Юнайтед” жамоалари Европа Лигаси 1/8 финалига ўтиш ўйинида ўзаро тўқнаш келди. “Камп Ноу”да ўтган дастлабки ўйин 2:2 ҳисобида якунланди.
Каталонларнинг барча мусобақалар доирасидаги мағлубиятсиз серияси 17 та ўйинга етди. Охирги марта “кўк-анорранглилар” 26 октябрда Чемпионлар Лигаси доирасида “Бавария”га енгилганди (0:3). Шундан кейин Хави шогирдлари 15 ғалаба ва 2 дуранг қайд этди. Бу учрашувга қадар “Барса” қаторасига 11 та ўйинда ғалаба қозонганди.
“Барселона”нинг кейинги ўйини “Кадис”га (19 февраль) қарши бўлади, ундан кейин жамоа яна “Манчестер Юнайтед” (23 февраль) билан ўйнайди.
“Манчестер Юнайтед” мағлубиятсиз сериясини 7 та ўйинга етказди. Сўнгги бор жамоа 22 январда “Арсенал”га енгилганди (2:3). Шундан сўнг “қизил иблислар” 5 та ғалаба ва 2 та дурангга эришди.
Манкунианларнинг келаси ўйини “Лестер”га (19 февраль) қарши бўлади, “Барселона” билан жавоб баҳси эса 23 февралда ўтказилади.
“Манчестер Юнайтед” еврокубоклар доирасида “Барселона”га қарши тўрт ўйиндан иборат мағлубиятли серияга якун ясади. Жамоаларнинг аввалги тўртта ўйинида Ла Лига клубининг қўли баланд келганди. Умумий ҳисобда эса “Барселона”да 6 ғалаба, “Манчестер Юнайтед”да 3 та ғалаба бор, яна 5 та учрашув дуранг билан якун топган.
Учрашув давомида “Барселона” рақиб дарвозаси томон 18 та зарба йўллади: 7 та аниқ зарба, 8 та ноаниқ зарба, 3 та блокланган зарба. “Манчестер Юнайтед”да бу кўрсаткич 17 тага тенг: 5 та аниқ, 7 ноаниқ, 5 блокланган.
Мезбонлар 47 та ҳужум ташкил қилган, инглизлар эса — 37. Тўпни назорат қилиш кўрсаткичи “Барселона” фойдасига — 58:42.
“Барселона” Хави бош мураббийликка тайинлангандан кейин Еврокубоклардаги ўйинларнинг 27 фоизида ғалаба қозонди. Хави “кўк-анорранглилар” бошқарувига 2021 йилнинг ноябрида келган. Унинг қўл остида жамоа Чемпионлар Лигасида 2 ғалаба, 2 дуранг, 4 мағлубият қайд этган бўлса, Европа Лигасида 2 ғалаба, 4 дуранг ва 1 мағлубият қайд этган.
Каталон клуби Еврокубокларда қаторасига тўртта ўйинда 2+ гол ўтказиб юборди. Бунақаси клуб тарихида 1997/98 йилги мавсумдан кейин илк бор кузатилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
