“ПСЖ” Чемпионлар лигасидан чиқиб кетганидан кейин мухлислар ва ОАВ яна клуб муваффақиятсизлиги сабаблари ҳақида гапира бошлади. Баъзи экспертлар парижликларнинг муваффақиятсизликларида ҳимоявий пассив ҳужумкор гуруҳ (Неймар, Месси, Мбаппе) муҳим рол ўйнашини таъкидламоқда. Шунингдек, “ПСЖ” муаммолари орасида улар заиф захира ўриндиғини ва кадрлар билан таъминлашга тўлиқ мос келмайдиган ёндашувни ажратиб кўрсатишади. Масалан, “ПСЖ”да ярим ҳимоячилар кўп, аммо ҳимоя марказида яхши захира футболчиси йўқ.
"Бавария" билан ҳал қилувчи баҳсда энг яхши йиллари ортда қолган 36 ёшли Рамос, жароҳат олган Маркиньос ва номинал ҳимоячи Данило Перейра таянчда майдонга тушди. Биринчи бўлим давомида бразилиялик ўрнига ўнг қанот ҳимоячиси Норди Мукиэле туширилди, у ҳам 10 дақиқадан сўнг жароҳат олди. Иккинчи 45 дақиқада Чемпионлар лигасида дебют қилган 17 ёшли Эл Шадаи Битшиабни таркибга қўйишга мажбур бўлинди.
“ПСЖ”нинг муҳим хатоси шундаки, клуб ўз тарбияланувчиларини умуман қадрламайди. Парижликлар бошқа жамоаларга фойда келтирадиган кўплаб яхши ўйинчиларни етиштиришган. Келинг, улардан баъзиларини кўриб чиқамиз.
Майк Меньян (дарвозабон, "Милан")
27 ёшли дарвозабон "ПСЖ"да бир дақиқа ҳам ўйнамади, лекин Лига 1 ўйинларида жамоа захира ўриндиғида бўлди. Меньян 14 ёшидан парижликлар тизимида эди, лекин 20 ёшида клубни истамай тарк этди. 2015 йилда “Лилль” Майк учун 1 миллион евро тўлаган, у аста-секин клубнинг асосий жамоасига ўтган ва 2017 йилда Венсан Эняма ўрнига 1-рақамга айланган. “Булдог”лар билан биргаликда Меньян 2021 йилги Франция чемпионатида ғолиб чиқди ва кейинги мавсум “Милан”га А Серияда ғалаба қозонишга ёрдам берди. Меньян ҳеч бўлмаганда Жанлуижи Доннарумма билан рақобатлаштириб, ҳозирги “ПСЖ”ни кучайтирган бўлар эди.
Адриен Рабьо (ярим ҳимоячи, "Ювентус")
Адриен “ПСЖ” академиясининг баҳсли битирувчиси, аммо асосий таркибда имкониятга эга бўлган кам сонлилардан бири. Рабьо 17 ёшида асосий жамоада дебют қилган, бир йил ўтиб эса майдон марказидан жой олган муҳим футболчи саналади. Адриеннинг ўз клубидаги фаолиятига унинг инжиқликлари ва онаси таъсир қилган: у ҳам ўғлининг агенти ва янги шартнома бўйича кўпроқ пул олишга ҳаракат қилган. Футболчининг ўзи ҳам жамоа билан машғулот ўтказишдан бош тортган.
Натижада “ПСЖ” ва Рабьо шартнома борасида келиша олишмади ва у эркин агент сифатида “Ювентус”га ўтди. 2023 йилнинг ёзида Адриен келишув якунида "кекса синьора"ни тарк этади. Вақти-вақти билан Рабьо ажойиб футбол кўрсатади ва агар у ўз муаммоларини бартараф қилса, “ПСЖ”ни анча кучайтириши мумкин эди.
Маттео Гендузи (ярим ҳимоячи, “Марсель”)
Маттео “ПСЖ” академиясига беш ёшида (2004 йил ) келган ва 2014 йилгача у ерда шуғулланган. 15 ёшида у ривожланиш учун оддийроқ вариантни “Лорен"да кўрган ва Париж клубини тарк этишга қарор қилди. Айнан шу клуб учун Гендузи 2016 йилнинг кузида катталар фаолиятидаги илк учрашувини ўтказди. 2018 йилда ярим ҳимоячи "Арсенал"га ўтди, аммо Маттео Лондонда ўз характерини кўрсатди. У мураббий Микель Артета билан жанжаллашиб қолган, шундан сўнг жамоани тарк этган. Гертадаги 2021/2022 йилги мавсумдан сўнг Гендузи “Марсел”га кўчиб ўтди. Провансликлар таркибида у Франция терма жамоаси билан 2022 йилги жаҳон чемпионатига йўл олишга лойиқ бўлган етакчи футболчига айланди.
Кристофер Нкунку (ҳужумчи, “РБ Лейпциг”)
Ҳужумкор ярим ҳимоячи “ПСЖ” тизимига 12 ёшида кириб келган. Нкунку 2015 йилнинг декабрь ойида Чемпионлар лигаси доирасида "Шахтёр"га қарши ўйинда катталар жамоаси сафида дебют қилган. Кристофер парижликлар сафида жами 78 та ўйин ўтказиб, 11 та гол урган. Бир пайтлар у ҳатто асосий таркибдан жой олди (2017/2018 йилги мавсум охирида юлдузларнинг жароҳатлари туфайли). Нкунку 2019 йил ёзида Парижни тарк этиб, Германиянинг “РБ Лейпциг” клубига 13 миллион евро эвазига қўшилди. Германияда Кристофер турли позисияларда ақлли футбол кўрсатиб, клуб етакчисига айланди. Европанинг топ-клублари иқтидорли французни кўздан қочиришмади. Натижада Нкунку 2023 йилнинг ёзида “Челси"га ўтади. Лондонликлар унинг учун 60 миллион евро тўлайдилар.
Кингсли Коман (ярим ҳимоячи/ ҳужумчи, “Бавария”)
26 ёшли француз клуб таркибида барча босқичларни босиб ўтган. Коман “ПСЖ” мактабига 9 ёшида келган ва 16 ёшида дебют қилган. Бироқ Парижда Кингсли бор-йўғи тўртта учрашув ўтказган ва эркин агент сифатида "Ювентус"га ўтган. Туринда бир мавсум ўтказгач, Коман саккизинчи йил ўйнаб келаётган "Бавария" футболчисига айланди. Қайсидир пайт футболчи жароҳатлардан азият чекди ва ҳатто фаолиятини якунлаш ҳақида ўйлади, бироқ улардан тузалиб, мюнхенликлар жамоасининг муҳим фигурасига айлана олди.
Эътиборлиси, айнан Коман “ПСЖ”ни Чемпионлар лигасида ғалаба қозониш имкониятидан маҳрум қилди: Кингсли 2020 йилги финалда ягона гол урди. “Фаолиятимдаги энг яхши дамлардан бири. Бу гол, албатта, мен учун илҳом манбаи бўлди. Эслаш ёқимли, лекин бу узоқ вақт олдин эди. "ПСЖ"да ўтказган вақтимни ҳам ёқимли хотираларим бор", - деди футболчи кейинроқ. Қанотлардаги муаммоларни бартаф қилиш учун Коман Галтье жамоасига ортиқчалик қилмас эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
