Спалеттида анчадан бери соврин йўқ эди
Бу мавсум «Наполи» учун аталгандек гўё. Бошқа ҳеч қандай тушунтиришга ҳожат йўқ. «Милан» чемпионликдан сўнг бунчалар заиф ўйнашини, «Интер» ҳаммага кетма-кет очко беришини, «Юве» молиявий фирибгарликдан жабр чекишини кимдир кутганмиди? Буни бир вақтнинг ўзида ҳазм қилиш қийин. Аммо «Наполи» буни истисно қилди. Лучано Спалетти жамоаси Европадаги ҳаммадан тезроқ чемпионликка ошиқмоқда ва муносиб равишда кубокни олади ҳам (иккинчи ўриндан 18 очколик устунлик мавжуд).
Чемпионлар лигаси бошқа воқеа. «Ливерпуль», «Аякс» ва «Рейнжерс» билан бир гуруҳдан жой олган эди неаполликлар. «Наполи» «Ливерпул»ни 4:1 ҳисобида мағлуб этди ва дарҳол ўзини гуруҳ фаворити сифатида кўрсатди. У биринчи ўринни эгаллаб, 1/8 финалда «Реал» билан учрашувдан омон қолди. Бунинг ўрнига неаполликлар «Айнтрахт»га рўбаро келди ва энди чорак финал. Ҳикоянинг тугаш вақти келдими? Лекин ҳали бунга эрта. Чунки қуръа буни айтиб турибди. «Наполи»га «Милан» рақиб бўлди. Ярим финалда эса «Интер» – «Бенфика» жуфтлиги ғолиби билан куч синашади.

«Наполи»нинг осон рақиб бўлади деганлар адашади. Бу мавсумда неаполликлар Италия чемпионатида «Милан»ни мағлуб этишди ва тез орада улар яна учрашадилар. Айтганча, «Интер» билан вазият бошқача: жамоа аксинча, мағлуб бўлди. Ваҳоланки, Неапол клуби бу рақиблардан асло кам эмаслигини ҳамма тушунади. Худди «Бенфика» каби. Бунга сеҳрли мавсумни, мотивацияни, Хвича ва Осимхен тандемини қўшсак, жамоани бемалол финалга йўл олади дейиш мумкин. Кафолатланмаган, лекин жуда эҳтимоли юқори бўлган тахмин.
«Наполи» жуда омадли жамоа. Қуръада «Бавария», «Манчестер Сити» ва «Реал» тушмади. Спаллетти учун алоҳида қувониш мумкин. У 2012 йилдан бери, «Зенит» билан Россия чемпионлигини қўлга киритганидан бери совринсиз эди. Ниманидир ютиш вақти келди ва бу мавсум бунинг учун ажойиб имкониятдир.

Матнда хатолик топсангиз, ўша хатони белгилаб, бизга жўнатинг (Ctrl + Enter).