УЕФА Чемпионлар Лигаси Европадаги энг нуфузли клублар мусобақаси ҳисобланади. Турнирда бутун қитъадан юқори сифатли футболчилар ҳамда энг кучли жамоалар қатнашади.
Келинг, УЕФА Чемпионлар Лигасининг энг зўр беш нафар футболчисини кўриб чиқамиз.
Паоло Мальдини
Паоло Мальдини энг яхши италиялик футболчилардан бири саналади ва унинг Чемпионлар лигасидаги муваффақияти бу гапни тасдиқлайди. Мальдини бутун профессионал фаолиятини «Милан»да ўтказган ва у ерда беш марта Чемпионлар лигасида ғолиб чиққан.
Узоқ мартаба ва битта клубга содиқлик, шунингдек, таъсирчан совринлар тўплами Мальдинини Чемпионлар Лигаси ва умуман спортнинг ҳақиқий афсонасига айлантиради.
Карим Бензема
Карим Бензема сўнгги ўн йил ичида «Реал Мадрид»нинг Чемпионлар Лигасидаги устунлигида муҳим роль ўйнади. Франциялик ҳужумчи замонавий футболнинг энг кўп қиррали тўппончаларидан бири ҳисобланади ва унинг айнан кўп қирралилиги унга «Реал Мадрид»нинг ўзгарувчан ҳужумчилари билан бирга ўйнашга имкон берди.
Айнан Бензема 2021/22 йилги Чемпионлар Лигасида «қаймоқранглилар» етакчисига айланганди. У ўтган мавсум плей-оффда иккита хет-трик ва иккита дубл қайд этиб, «Реал»ни 14-марта кубокка эга чиқишига сабаб бўлди.
Карим фаолияти давомида 5 марта Чемпионлар лигасини ютган. У ҳозиргача мусобақада 89 та гол урди ва Чемпионлар лигаси тарихидаги тўртинчи тўпурар ҳисобланади.
Лионель Месси
Лионель Месси барча даврларнинг энг буюк футболчиларидан бири сифатида танилган ва у Чемпионлар лигасида катта муваффақиятларга эришган. Месси фаолияти давомида тўрт марта турнир ғолиби бўлган. Унинг Чемпионлар лигасидаги барча ғалабалари «Барселона»даги фаолияти давомида бўлган.
Лео мусобақада ақл бовар қилмас даражага чиқиб, 129 та гол урди ва Каталония клубининг Европа футболидаги энг муваффақиятли даврида асосий ўйинчи бўлди ва 2006 ва 2015 йиллар оралиғида тўртта чемпионликни қўлга киритди.
Лука Модрич
Лука Модрич Чемпионлар Лигасининг сўнгги ўн йилликдаги энг барқарор ва нуфузли ўйинчиларидан бири бўлди. Хорватиялик ярим ҳимоячи «Реал Мадрид»даги фаолияти давомида 5 марта турнир ғолиби бўлиб, клубнинг Европадаги муваффақиятларида муҳим роль ўйнади.
Модричнинг техник қобилияти, ўйинни кўриши, тўғри тўп узатишлари уни «Реал Мадрид» ярим ҳимоясининг асосий ўйинчисига айлантирди. Лука 2016/17 ва 2017/18 мавсумда Чемпионлар лигасининг энг яхши ярим ҳимоячиси деб топилган.
Криштиану Роналду
Ҳа, бу рўйхатни бошқа ким юқори ўринни эгаллаши мумкин? Криштиану Роналду турнир тарихидаги энг муваффақиятли ўйинчилардан бири бўлиб, унда икки хил клуб билан беш марта ғалаба қозонган.
Португалиялик ҳужумчи 7 марта Чемпионлар лигасининг энг яхши тўпурари бўлган ва жами 140 та гол уриб, турнир тарихидаги рекордни ўрнатган. Тезлик, куч ва аниқлик уйғунлиги уни рақиб ҳимоячилари учун даҳшатли тушга айлантирди. Роналдунинг Чемпионлар лигасидаги муваффақияти ва доимий равишда энг юқори савиядаги ғалабалари уни барча даврларнинг энг буюк футболчиларидан бирига айлантиради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
