Ансу Фати испан футболига ёрқин тарзда кириб келди: у кўплаб рекордларни ўрнатди ва "Барселона" мухлисларини қувонтирди. 2020 йил охирида истеъдод жиддий жароҳат олди ва ўшандан бери аввалги даражасига қайтмади. Бу мавсумда иқтидорли футболчи билан нима содир бўлмоқда?
17 ёшида Фати ўнлаб рекордларни янгилади ва ўзини Ла Лигадаги энг истиқболли ўйинчилардан бири сифатида кўрсатди. 2019/2020-йилги мавсумда у тарихга қуйидагича кирган:
Чемпионлар лигасидаги энг ёш гол муаллифи;
Камп Ноудаги энг ёш тўпурар;
"Барселона"нинг энг ёш гол муаллифи;
Классикодаги энг ёш тўпурар;
Испания терма жамоасидаги энг ёш гол муаллифи;
Ла Лигадаги энг ёш гол муаллифи.
Футболчининг келажаги порлоқ бўлишини башорат қилишган эди, аммо 2020 йилнинг кузида у "Бетис" билан ўйинда жиддий жароҳатланди. Ўшанда Фати мавсумда 10 та ўйин ўтказиб, 5 та гол урган ва 4 та голли узатмани амалга оширган эди. Жароҳатдан кейин Ансунинг ҳаёти ҳақиқий синовга айланди. Футболчи операция қилинди, бироқ кейинчалик қўшимча жарроҳлик амалиёти талаб этилди. Фати бир йилга яқин майдонга тушмади ва майдонга қайтганидан сўнг мушакларидан жароҳат олди ва бир неча ой давомида яна ўйинларсиз қолди.
2022 йилнинг бошида Фати янги жароҳат олди. Ўша пайтда футболчи операцияни ўтказиш ёки қилмасликка қарор қилди. Клуб шифокорлари жарроҳлик амалиётини тавсия этишди, аммо Фати консерватив даъвони танлади. Операциядан кейинги тикланишга қараганда анча камроқ вақт талаб қилиниши режалаштирилган эди. Аслида, бу бошқача бўлиб, реабилитация кечиктирилди.
"Барса" вакиллари футболчига аввалги формасига қайтиш учун қўшимча машғулотлар ўтказишни тавсия қилишди. Февраль ойидан бери Фати ҳафтасига икки марта спорт залига бориб, куч машқлари билан шуғулланади.
Ҳужумчи учун куч билан ишлаш жуда муҳимдир. Навбатдан ташқари машғулотларнинг аҳамияти Марк-Андре тер Штеген мисолида кўрсатилган. "Барселона" дарвозабони тиззаси билан боғлиқ муаммолардан сўнг куч машқлари туфайли муносиб даражага қайтди. Жорий мавсумда Ансу майдонда 1339 дақиқа ўтказди. Бошқа ҳужумчиларда эса қуйидаги рақамлар бор: Роберт Левандовски - 2784 дақиқа, Рафиня - 2130, Усмон Дембеле - 1862, Ферран Торрес - 1471.
Ушбу ҳолат муносабати билан испан матбуотида Фати мавсум охирида кетиши мумкинлиги ҳақида гап-сўзлар кўпроқ эшитилмоқда. Ансу Дембеле жароҳат олган бўлса ҳам, асосий ўйинчилар қаторида эмас. "Барселона" вакиллари икки гуруҳга бўлинган: кимдир Фатини сотмоқчи, бошқалари эса ижара вариантини афзал кўради. Табиийки, футболчининг трансфер қиймати анча тушиб кетди. Уч йил аввал у 80 миллион еврога баҳоланган бўлса, ҳозир 35 миллион еврога тушган.
Хавининг фикрича, Фати ўсишга ва ривожланишга қодир, аммо мавсумнинг муҳим қисмида у бошқа ўйинчиларни афзал кўради. Ансунинг ўзи ҳам "Барселона"да қолишни истайди, бу ҳақда у бир неча бор таъкидлаган.
Фати 5 ойдан бери чемпионатда гол ура олмаяпти. У охирги голини 2022 йилнинг октябрида киритган. 2023 йилда Ансу учта гол урди: икки марта Испания кубогида ва бир марта Суперкубокда.
Футболчининг агенти Жорже Мендес трансфер бозорини ўрганмоқда ва турли вариантлар устида ишламоқда. Mundo Deportivo хабарига кўра, у "Барселона"нинг молиявий талабларини қондира оладиган Премьер-лигадаги баъзи клублар билан музокаралар олиб борган.
AS хабарига кўра, "Барса" бу ёзда тўрт нафар футболчи билан хайрлашиши мумкин: ҳимоячи, ярим ҳимоячи ва иккита ҳужумчи. Рўйхатга Фати киради. Бир томондан унинг озми-кўпми муносиб пулга сотилиши клубнинг молиявий аҳволини яхшилайди. Бошқа томондан, футболчининг ёши (20 ёш) ва янги ҳужумчи топиш қийинлигини ҳисобга олсак, ажралиш муддатидан олдин бўлиши мумкин.
Мана Хави бир ой олдин айтган гаплари: “Фати сотилмайди. Айни пайтда сотилиши мумкин бўлган ҳеч ким йўқ. Нима учун трансферлар ва Ансуни сотиш ҳақида гапираётганимизни тушунмаяпман, айниқса бозор ёпилганидан кейин. У биз учун асосий футболчи. Ундан умидларим катта. Бу ҳозир ва келажак футболчиси. У сабрли бўлиши керак".
Жароҳатлардан чарчаган бўлса-да, Фати энг яхши жисмоний ҳолатда эмас, бу ўйин вақтига таъсир қилади. Испаниялик журналистлар барча томонлар учун энг яхши ечимни топа оладиган битта одам борлигига ишончлари комил. Ва унинг исми Жорже Мендеш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
