"МЮ" келаётган ёзда янги марказий ҳужумчи сотиб олишни истайди. Бу ҳеч кимга сир эмас. Клуб Эрик тен Хаг қўл-остида анча яхши томонга ўзгарди. Аммо жамоа Криштиану Роналду кетганидан бери марказий ҳужумчи борасида муаммоларга дуч келмоқда. Қуйида "Манчестер Юнайтед" томонидан нишонга олинган ҳужумчилар борасида сўз боради.
Харри Кейн – "Тоттенхэм"
Кейннинг Лондондаги шартномаси 2024 йилда ўз ниҳоясига етади. Шундай бир пайтда ҳужумчи атрофида кўплаб миш-мишлар кезиб юрибди. "Тоттенхэм"нинг омадсизликлари фонида, гўёки, ҳаммаси Харри Кейннинг жамоадан кетишига қараб йўналгандек туюлмоқда. "МЮ" Кейнни кеча ёки бугун кузатишни бошламаган. Клуб у учун узоқ вақтдан бери курашиб келади. Тен Хаг жамоаси учун Харри Кейн айнан мос тушган бўларди. 29 ёшли футболчи бу мавсумда АПЛ доирасида 21 та гол уришга эришди. "Тоттенхэм" эса Кейнни олиб қолишга ҳаракат қилмоқда.
Виктор Осимхен – "Наполи"
"Наполи" ҳужумчиси ўта кучли ўйин намойиш этмоқда. Табиийки, катта клублар бундай ҳолатда ўз эътиборини Осимхенга қаратган. Нигериялик футболчи 21 та гол билан А сериянинг энг яхши тўпурари бўлиб турибди. Осимхен мавсум давомида 5.1 xG кўрсаткичига эга эди. Бу эса уни Кейн ва Холанддан кейинги ўринга қўяди. "Манчестер Юнайтед" ёш ҳужумчига эга бўлиши учун анча ҳаракат қилиши керак.
Гонсалу Рамуш – "Бенфика"
21 ёшли ҳужумчи Жаҳон чемпионатида Швейцария терма жамоасига қарши урган хет-трик голларидан кейин юлдузга айланганди. Португалия терма жамоаси аъзоси бу мавсумда "Бенфика" сафида ҳам фантастик ўйин намойиш этмоқда. Рамушнинг ҳисобида 24 та гол мавжуд. Шундай бир пайтда ҳужумчи "Бенфика"да бахтли эмас. Негаки, клуб унинг хизматларига яраша ҳақ тўламаяпти. "Қизил иблислар" бу вазиятдан фойдаланиб қолиши мумкин.
Рандал Коло Муани – "Айнтрахт"
Коло Муани жорий мавсумнинг Бундеслигадаги энг сермаҳсул футболчисига айланган. 24 ёшли вингер жамоаси сафида 10 тадан ортиқ гол ва ассистга муаллифлик қилган. Хабарларда қайд этилишича, немис клуби Коло Муани учун 120 миллион евро талаб қилади. "МЮ"га эса француз ҳужумчиси ҳам яхши вариантлардан биридир.
Маркус Тюрам – "Мюнхенгладбах"
Француз ҳужумчиси ёзда эркин агентга айланади. Бу мавсумда Тюрам 15 та гол ва бир нечта ассистга муаллифлик қилди. "Manchesrer Evening News" нашри Тюрамга даъвогарлар ичида "Манчестер Юнайтед" ҳам борлигини айтади. Аммо "Милан", "ПСЖ", "Челси" ва "Атлетико" бу йўлда тен Хаг жамоасига рақиб бўлади.
Душан Влахович — "Ювентус"
"Ювентус"да туганмасдек туюлаётган муаммолар фонида, ёзда бир нечта катта номлар жамоадан кетиши мумкин. Улар ичида Влахович ҳам бор. "Calciomercato" берган маълумотларда сербиялик ҳужумчи учун "МЮ" даъвогарлик қилиши айтилган. Влахович "Ювентус" сафида жорий мавсум давомида 11 та гол урди ва бу, жамоадаги энг яхши натижадир.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
