"MYU" kelayotgan yozda yangi markaziy hujumchi sotib olishni istaydi. Bu hech kimga sir emas. Klub Erik ten Xag qo‘l-ostida ancha yaxshi tomonga o‘zgardi. Ammo jamoa Krishtianu Ronaldu ketganidan beri markaziy hujumchi borasida muammolarga duch kelmoqda. Quyida "Manchester Yunayted" tomonidan nishonga olingan hujumchilar borasida so‘z boradi.
Xarri Keyn – "Tottenxem"
Keynning Londondagi shartnomasi 2024 yilda o‘z nihoyasiga yetadi. Shunday bir paytda hujumchi atrofida ko‘plab mish-mishlar kezib yuribdi. "Tottenxem"ning omadsizliklari fonida, go‘yoki, hammasi Xarri Keynning jamoadan ketishiga qarab yo‘nalgandek tuyulmoqda. "MYU" Keynni kecha yoki bugun kuzatishni boshlamagan. Klub u uchun uzoq vaqtdan beri kurashib keladi. Ten Xag jamoasi uchun Xarri Keyn aynan mos tushgan bo‘lardi. 29 yoshli futbolchi bu mavsumda APL doirasida 21 ta gol urishga erishdi. "Tottenxem" esa Keynni olib qolishga harakat qilmoqda.
Viktor Osimxen – "Napoli"
"Napoli" hujumchisi o‘ta kuchli o‘yin namoyish etmoqda. Tabiiyki, katta klublar bunday holatda o‘z e’tiborini Osimxenga qaratgan. Nigeriyalik futbolchi 21 ta gol bilan A seriyaning eng yaxshi to‘purari bo‘lib turibdi. Osimxen mavsum davomida 5.1 xG ko‘rsatkichiga ega edi. Bu esa uni Keyn va Xolanddan keyingi o‘ringa qo‘yadi. "Manchester Yunayted" yosh hujumchiga ega bo‘lishi uchun ancha harakat qilishi kerak.
Gonsalu Ramush – "Benfika"
21 yoshli hujumchi Jahon chempionatida Shveysariya terma jamoasiga qarshi urgan xet-trik gollaridan keyin yulduzga aylangandi. Portugaliya terma jamoasi a’zosi bu mavsumda "Benfika" safida ham fantastik o‘yin namoyish etmoqda. Ramushning hisobida 24 ta gol mavjud. Shunday bir paytda hujumchi "Benfika"da baxtli emas. Negaki, klub uning xizmatlariga yarasha haq to‘lamayapti. "Qizil iblislar" bu vaziyatdan foydalanib qolishi mumkin.
Randal Kolo Muani – "Ayntraxt"
Kolo Muani joriy mavsumning Bundesligadagi eng sermahsul futbolchisiga aylangan. 24 yoshli vinger jamoasi safida 10 tadan ortiq gol va assistga mualliflik qilgan. Xabarlarda qayd etilishicha, nemis klubi Kolo Muani uchun 120 million yevro talab qiladi. "MYU"ga esa fransuz hujumchisi ham yaxshi variantlardan biridir.
Markus Tyuram – "Myunxengladbax"
Fransuz hujumchisi yozda erkin agentga aylanadi. Bu mavsumda Tyuram 15 ta gol va bir nechta assistga mualliflik qildi. "Manchesrer Evening News" nashri Tyuramga da’vogarlar ichida "Manchester Yunayted" ham borligini aytadi. Ammo "Milan", "PSJ", "Chelsi" va "Atletiko" bu yo‘lda ten Xag jamoasiga raqib bo‘ladi.
Dushan Vlaxovich — "Yuventus"
"Yuventus"da tuganmasdek tuyulayotgan muammolar fonida, yozda bir nechta katta nomlar jamoadan ketishi mumkin. Ular ichida Vlaxovich ham bor. "Calciomercato" bergan ma’lumotlarda serbiyalik hujumchi uchun "MYU" da’vogarlik qilishi aytilgan. Vlaxovich "Yuventus" safida joriy mavsum davomida 11 ta gol urdi va bu, jamoadagi eng yaxshi natijadir.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
