Айрим мухлислар учун клублар футболи терма жамоаларнинг ўйинларидан қизиқарлироқ ҳисобланади. Икки ҳафталик танаффусдан сўнг яна клублар футболи, ички чемпионатлар қайтиши футбол ишқибозларини журсанд қилиши тайин. Агар ўша кутилган вақтдан сўнг қизиқарли ўйинлар бизни кутиб турган бўлса, бунда мухлислар икки қара қувониши аниқ. қуйида эса ҳафта охирида бизни кутаётган энг қизиқарли ўйинлар анонси билан танишиб чиқишингиз мумкин.
"Атлетико" - "Бетис". 2 апрелдан 3 апрелга ўтар кечаси 00:00
Испания Примеросида юқори поғоналар учун курашаётган жмоалар ўртасидаги тўқнашув албатта қизиқарли бўлиб ўтади. Чемпионлар лигасига йўлланма олиш учун курашаётган "Бетис" ҳозирда турнир жадвалида 5 поғонада бормоқда ва ушбу ўйинда уларга ғалаба зарур. Мезбонлар эса 3 очкони қўлга киритса, 3 поғонада мустаҳкам жойлашиб олишади. Шундай экан, ушбу баҳс сўзсиз Ла лиганинг ушбу турдаги мурказий ўйини бўлиб қолади.
"Наполи" - "Милан". 2 апрель 23:45
Жуда узоқ танаффусдан кейин "Наполи" Италия А Сериясида чемпион бўлишга жуда яқин ва ушбу турдаги ғалаба уларни бунга янада яқинлаштиради. Аммо йўқотиладиган очконинг қиймати неаполликлар учун уналик қиммат эмас. Аммо уларнинг рақиби "Милан"га меҳмондаги ғалаба жуда зарур. Сабаби "Россенори" ҳозирда турнир жадвалида 4-поғонада кетмоқда ва мағлубият клубни кучли 5ликдан ҳам тушириб юбориши мумкин. Чемпионлар лигаси учун йўлланма олишга курашадиган жамоа бу турда ғалаба қозонмаса, ўз аҳволини қийинлаштириб қўяди.
"Ньюкасл" - "Манчестер Юнайтед". 2 апрель 20:30
Сўзсиз ушбу баҳс АПЛнинг тур ўйини бўлиши мумкин эди. Аммо бир тўқнашув тур ўйини номинациясини ўзига оғдириб олди. У ҳақида кейинроқ тўхталамиз. Кучли тўртлик учун баҳс олиб бораётган "Ньюкасл" бу турда "МЮ"ни ўз уйида қабул қилади. Икки жамоа ҳам ғалаба учун майдонга тушиши шубҳасиз. Ушбу мавсумда ҳимояси билан мақтана олаётган "зағизғонлар" Рэшфордни тўхтатиб қолишни эплармикин? Бу АПЛ ва унда ҳамма нарса бўлиши мумкин. Аммо шуниси аниққи ушбу ўйинга қизиқиш жуда ҳам катта.
"Манчестер Сити" - "Ливерпуль". 1 апрель 16:30
Чемпионлик учун курашаётган Гвардиола шогирдлари ҳар бир учрашувда максимал очко тўплшга интилишлари тушунарли. Шу билан бирга Клоппда ҳам жиддий мақсадлар бор. Улар АПЛда кучли тўртликка киришга ва ЧЛ учун йўлланма олишга интилишлари аниқ. Ва бу йўлда йўқотилган ҳар бир очко олтинга тенг. Англия классикосига айланиб улгуган тўқнашувда жамоалар қандай ҳолатда эканлиги қизиқ эмас. Шунчаки, кучсиз бўлиб ҳам 3 очко олиб кетиши мумкин.
"Бавария" - "Боруссия Д". 1 апрель 21:30
"Дер Классикер" "Эл Класико"дан кейин иккинчи ўринда турадиган энг катта тўқнашув бўлса керак. Аммо бу сафар ҳаммаси бошқача, чунки Бундеслигадаги интригадан келиб чиқсак, ушбу ўйин чемпион номини ҳам аниқлаштириб бериши табиий. Тўғри, ҳали олдинда 10 тур бор. Аммо ушбу баҳсда Дортмундликлар ғалаба қозонса, асосий таъқибчиларидан 4очкога илдамлаб кетади ва кейин уларни қувиб ўтиш Тухель жамоаси учун қийин бўлади. "Бавария" эса "кураж"ни ушлаб олса, мавсумниинг қолган қисмини ғалаба билан якунлашга қодир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Насаф
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
