Англия Премьер-лигасида янги антирекорд ўрнатилди. Мавсумда 13 марта клублар мураббий алмашди. Улар орасида ким энг омадсизи бўлди. Келинг, кўриб чиқамиз.
Скотт Паркер (“Борнмут”)
Премьер-лигадаги илк истеъфо 30 август куни юз берди. Скотт Паркер "Борнмут"нинг "Ливерпул"га (9:0) даҳшатли мағлубиятидан сўнг ўз лавозимини тарк этди. Мураббий 2021 йилнинг июлидан бери клубни бошқариб келмоқда эди.
Томас Тухель (“Челси”)
Орадан бир ҳафта ўтиб, 7 сентябрь куни “Челси” Томас Тухель билан хайрлашди. Премьер-лигада “кўклар” олтинчи ўринни эгаллаб туришган бўлса-да, клуб раҳбарларининг қарорига Чемпионлар лигасида Загребнинг "Динамо"сидан учралган мағлубият (0:1) таъсир кўрсатди. Клубни Чемпионлар лигасида ғалабага олиб келган мураббий ўрнига Грем Поттер тайинланди.
Бруно Лаже (“Вулверхэмптон”)
"Бўрилар" 2 октябрь куни клуб жадвалда 18-ўринга тушиб кетганидан кейин Бруно Лаже билан хайрлашди. Португалиялик мураббий 2021 йилнинг июнь ойида жамоага келиб қўшилган ва дастлаб яхши натижалар кўрсатган бўлса, тез орада улар пасайишни бошлади. Унинг ўрнини Хулен Лопетеги эгаллади.
Стивен Жеррард (“Астон Вилла”)
Астон Вилла Премьер-лигада "Вулверхэмптон"дан юқорида жойлашган эди, аммо бу Стивен Жеррардни ишдан бўшатишдан сақлаб қолмади. 20 октабр куни у ўз лавозимини Унаи Эмерига бой бериб, жамоани тарк этди. Британиялик мураббий 2021 йилнинг ноябридан бери клубни бошқариб келмоқда эди.
Ральф Хазенхюттль (“Саутгемптон”)
Ральф Хазенхюттлнинг "Саутгемптон"даги фаолияти деярли беш йил давомида жамоани бошқарганидан сўнг ўз ниҳоясига етди. 7 ноябрь куни ўз уйида “Нюкасл Юнайтед”дан 4:1 ҳисобида мағлубиятга учраганидан сўнг мураббий ишидан айрилди.
Френк Лэмпард (“Эвертон”)
23 январ куни Френк Лемпарднинг ҳам тақдири ҳал бўлди. Унинг қўл остида "Эвертон" қуйи лигага тушиб кетиш даражасига яқинлашиб қолди(19-ўрин). Англиялик бир йил давомида эгаллаб келган вазифани Шон Дайчга бой берди.
Жесси Марш (“Лидс”)
2022 йил феврал ойида "Лидс"га қўшилган Жесси Марш ўз фаолиятини бошлаганидан бир йил ўтиб (2023 йил 6 февраль) клубни тарк этди. Америкалик мураббий Премьер-лигадаги 17 учрашувда бор йўғи иккита ғалабага эришди (жадвалнинг 17-қатори) ва бошқарувни Хавер Грасияга топширишга мажбур бўлди.
Патрик Виейра (“Кристал Пэлас”)
"Кристал Пэлас" 12 ўйинни мағлубиятсиз ўтказди ва Премьер-лигада 12-ўринни эгаллаб, қуйи лигага чиқиш зонасидан 3 очко олдинда бўлди. 17 март куни Патрик Виейра ишдан бўшатилди. Бунинг ўрнига улар Рой Хожсонни тайинлашди, уни Виейранинг ўзи 2021 йил июл ойида алмаштирган эди.
Антонио Конте (“Тоттенхэм”)
Антонио Конте 2023 йилнинг 26 мартигача "Тоттенхэм"да 16 ой ўтказди. Мураббий “Саутгемптон” билан дурангдан кейин (3:3) футболчилар ва раҳбариятга ғазабланган ва бунинг учун товон тўлади. "Шпорлар" Премьер-лигада тўртинчи ўринда эди.
Брендан Рожерс (“Лестер”)
2 апрель куни “Лестер” сўнгги дақиқада “Кристал Пэлас”га имкониятни бой бериб, турнир жадвалида 19-ўринга тушиб кетди ва Брендан Рожерс билан хайрлашди. Шимолий ирландиялик мураббий 2019 йилдан буён клубни бошқариб келмоқда эди ва у билан 2021 йилда Англия кубогини қўлга киритган.
Грем Поттер (“Челси”)
Томас Тухель ишдан бўшатилмаганида Грем Поттер "Брайтон"ни тарк этмаслиги мумкин эди, аммо у "Челси"да узоқ қола олмади. 2 апрел куни “кўклар” мураббийдан қутулишди. 10 кундан кейин жамоа "Реал Мадрид" билан Чемпионлар лигасининг 1/4 финалида ўйнайди ва мураббийсиз ғалаба қозониш осон бўлмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
