Кейинги трансфер ойнасида клубни тарк этиши мумкин бўлган футболчилар рўйхати тузиб чиқилди. Келинг, улар кимлар эканлигини кўриб чиқамиз.
Пьер-Эмерик Обамеянг (Габон, ҳужумчи, 33 ёш)
Форвард ўтган ёзда унга сарфланган 12 миллион еврони оқламаслиги аниқ. Обамеянг Премьер-лигада 12 та ўйинда атиги битта гол урган.
Ҳаким Зиеш (Марокаш, вингер, 30 ёш)
Марокашлик футболчининг шартномаси 2025 йилнинг ёзигача мўлжалланган. Миш-мишларга кўра, Зиешга "Тоттенхэм", "Вест Хэм", "Фулхэм" ва ҳатто "ПСЖ" даъвогарлик қилмоқда.
Калиду Кулибали (Сенегал, ҳимоячи, 31 ёш)
Кулибали - "Челси" учун муҳим ҳимоячи. Аммо лондонликлар, қишки катта ҳажмдаги хариддан сўнг, таркибни тозалашлари керак ва "қурбонлар" дан бири африкалик бўлиши мумкин.
Кристиан Пулишич (АҚШ, вингер, 24 ёш)
Жорий мавсумда Премьер-лиганинг 19та ўйинида атиги битта гол урган америкалик футболчи, агар "Челси" португалияликни "Атлетико"дан сотиб олишга қарор қилса, Жоау Феликс билан шартноманинг бир қисми бўлиши мумкин.
Матео Ковачич (Хорватия, ярим ҳимоячи, 28 ёш)
Хорватияликнинг "Челси" билан шартномаси 2024 йилнинг ёзида тугайди ва шунинг учун энг яқин трансфер ойнаси уни сотиш учун энг яхши имкониятдир. "Ман Сити", "Манчестер Юнайтед" ва "Бавария" Ковачич билан боғлиқ вазиятни диққат билан кузатиб бормоқда.
Конор Галлахер (Англия, ярим ҳимоячи, 23 ёш)
Ёш футболчи мунтазам равишда Прембер-лигада захирадан майдонга тушади. Энсо Фернандес унинг позициясида ўйнайди. Миш-мишларга кўра, Галлахерга "Ливерпулб" қизиқиш билдирмоқда, бу эса ярим ҳимояни кучайтириш учун мантиқан тўғри қарор.
Бен Чилвелл (Англия, ҳимоячи, 26)
Чилвелл, шунингдек, кутилаётган ёзги сотувнинг бир қисми сифатида клубни тарк этиши мумкин. "Бавария"га кетган Жоау Канселу ўрнига футболчи қидираётган "Ман Сити" унга қизиқиш билдириши мумкин.
Ромелу Лукаку (Бельгия, ҳужумчи, 29 ёш)
Бельгиялик футболчи ҳозирда “Интер”да ижара асосида ўйнамоқда. Tuttosport хабарига кўра, Лукаку Италияда қолмоқчи ва бунинг учун маошини камайтиришга тайёр.
Каллум Хадсон-Одои (Англия, вингер, 21)
Бу ёш инглиз футболчиси эса Леверкузеннинг "Байер" клубида ижара асосида ўйнамоқда. Хадсон-Одои ҳам ёзда сотилиши мумкин, чунки унинг шартномаси 2023/2024 йилги мавсумдан кейин тугайди.
Мейсон Маунт (Англия, ярим ҳимоячи, 24 ёш)
“Ливерпуль” кузатиб бораётган “Челси”нинг яна бир футболчиси. Бироқ, “Манчестер Юнайтед” бу жараёнга аралашиши мумкин. Goal хабарига кўра, лондонликлар Маунт учун 80 миллион евро олиш ниятида.
Сезар Аспиликуэта (Испания, ҳимоячи, 33 ёш)
Шартномаси 2024 йилнинг ёзида тугайдиган фахрий ҳимоячи 2012 йилдан буён “Челси”да тўп тепади. Миш-мишларга кўра, Аспиликуэтага "Барселона" қизиқиш билдирмоқда.
Жоау Феликс (Португалия, ҳужумчи, 23 ёш)
Бу қишда “Челси” португалияликни “Атлетико”дан 6 ойга 11 миллион евро эвазига ижарага олди. Аммо “кўклар” Жоау Феликснинг шартномасини сотиб оладими ёки йўқми, ҳозирча аниқ эмас.
Денис Закария (Швейцария, ярим ҳимоячи, 26 ёш)
"Челси" ярим ҳимоячини ўтган ёзда "Ювентус"дан ижарага олганди. Бироқ, лондонликлар, катта эҳтимол билан, уни сотиб олишмайди. Чунки таркибда жуда кўп ўйинчилар бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
