"Манчестер Сити" ва "Арсенал" 2022-2023 йилги мавсумда бошқа жамоалардан кўра, АПЛ доирасида анча олдинда турибди. Қолган катта клублар эса мавсум давомида, айниқса, мундиалдан кейин очко тўплашга қийналмоқда. Хусусан, "Челси" даҳшатли анти-рекордлар қайд этди. Қуйида Қатардаги жаҳон чемпионатидан кейин Англия элитасида қандай ҳолат қайд этилгани ҳақида сўз юритамиз.
Эрик тен Хаг бошчилигидаги "қизил иблислар" мавсум қайта старт олганидан кейин 14 ўйин ўтказган ва бу баҳсларда 27 очко тўплашга муваффақ бўлди. "МЮ" мавсумнинг биринчи қисмини юқори нотада, "Фулхэм" майдонида ғалаба қозонган ҳолда якунлаганди. Бунда Криштиану Роналдунинг жамоадан кетиши натижаларга ёмон таъсир ўтказмади. Аксинча, манкунианликлар кетма-кет "Ноттингем", "Вулверхэмптон", "Бормунт" ҳамда "Манчестер Сити"дан уч очко олиб қўйди. Шунингдек, тен Хаг "МЮ"нинг олти йиллик совринсиз даврига якун ясаб, жамоага лига кубогини тақдим этди. Шунингдек, улар Европа лигасида ҳам яхши имкониятга эга бўлиб турибди. Ҳа, жамоа "Ливерпул"га йирик, 7-0 ҳисобида мағлуб бўлди. "Саутгемптон" ва "Ньюкасл"дан ҳам мағлубият қабул қилиб олинди. Шунга қарамай, жамоанинг умумий натижалари ёмон эмас.
Юрген Клопп жамоаси мундиалдан кейин ўз инқирозини давом эттирди. Мерсисайдликларнинг "МЮ" устидан қозонган йирик ғалабаси, ЕЧЛ футболи учун қандайдир умид учқунларини уйғотган эди. Бироқ, бундай бўлиб чиқмади. "Ливерпуль" ўтган уч ярим ойда "Брайтон", "Брентфорд" ва "Астон Вилла" билан ўйинларни бой берди. "Реал"га қарши ЕЧЛдаги мағлубият эса ҳаммасидан ошиб тушганди. Ундан олдин "Вулверхэмптон", "Брайтон" ва "Брентдорд"дан йирик мағлубиятлар қабул қилинган (0-3). "Кристал Пэлас", "Манчестер Сити" ва "Челси" билан керак бўлмаган мағлубиятларга дучор бўлди. Буларнинг ҳаммаси қўшилиб, "Ливерпул"нинг кейинги мавсумда ЕЧЛда қатнашиш имкониятларини деярли йўққа чиқарди.
Мавсум кашфиётларидан бирига айланган "Брайтон", Роберто Де Зерби бошчилигида ажойиб ўйин намойиш этиб келмоқда. "Чағалайлар" сўнгги 13 та лига баҳсидан жами 25 очко жамғарди. Айтиш мумкинки, "Брайтон"да ЕЧЛ учун ҳам имкониятлар сақланиб турибди.
Бошқа томонда, амалдаги чемпионлар "Манчестер Сити" биз кўриб, ўрганиб қолган ўйинни намойиш этмай қўйди. Улар декабрдан бери "МЮ" ва "Тоттенхэм"га мағлуб бўлди. Шунга қарамай, "шаҳарликлар" "Арсенал"нинг ягона таъқибчиси бўлиб турибди. Жаҳон чемпионатидан кейин Гвардиола шогирдлари тўпчилардан 3 очко кам тўплади холос.
"Арсенал" бу борада энг яхшисидир. Микель Артета жамоаси декабрь ва январь бошида керакли ғалабаларга эришди. Аммо ўртада иккита дуранг ва битта мағлубият юз берди. Шундан кейин ҳаммаси ўзгарди. "Арсенал" февралдан бери 7 та ўйинда кетма-кет ғалабалар қайд этди. Ўхшаш сценарий "Ньюкасл" билан ҳам юз бермоқда. Эдди Хау шогирдлари лига кубогида "МЮ"дан, АПЛда эса "Манчестер Сити" ва "Ливерпул"дан мағлубият қабул қилиб олди. ЕЧЛ йўлланмаси хавф остида қолган бир пайтда, жамоа яна ўнглана олди. "Ньюкасл" сўнгги 4 баҳсда ғалабаларга эришди.
Мавсум инқирозига учраган жамоани ҳам қайд этиб ўтиш жоиз. "Челси" декабрдан бери 15 та баҳсда 18 очко тўплаган. Бу эса АПЛда қолиш учун курашаётган жамоалар натижасидан бироз яхши холос. "Челси" олдида кейинги мавсумдаги ЕЧЛда қатнашиш учун фақат бир имкон – жорий мавсумнинг совринини ютиш қолди. Қуйида Жаҳон чемпионатидан кейинги АПЛ жадвали тақдим этилади.
1. "Арсенал" – 35 очко (+21)
2. "Манчестер Сити" – 32 очко (+19)
3. "МЮ" – 27 очко (+5)
4. "Астон Вилла" – 26 очко (+5)
5. "Брайтон" – 25 очко (+13)
6. "Брентфорд" – 24 очко (+10)
7. "Ньюкасл" – 23 очко (+8)
8. "Ливерпуль" – 21 очко (+4)
9. "Тоттенхэм" – 21 очко (+2)
10. "Фулхэм" – 20 очко (+2)
11. "Челси" – 18 очко (-1)
12. "Вулвз" – 18 очко (-3)
13. "Лидс" – 14 очко (-7)
14. "Ноттингем" – 14 очко (-9)
15. "Вест Хэм" – 13 (-8)
16. "Эвертон" – 13 (-12)
17. "Саутгемптон" – 11 очко (-10)
18. "Кристал Пэлас" – 11 очко (-12)
19. "Борнмут" – 11 очко (-16)
20. "Лестер Сити" – 8 очко (-11).
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
