"Арсенал" ўзининг бой тарихи давомида кўплаб саккизинчи рақам футболчиларига макон бўлган. Улар ичида дунё футболида муҳим ўрин тутган машҳур ўйинчилар ҳам бор. Қуйида уларнинг айримларини клубда тутган ўрнига қараб баҳолаб чиқамиз. Тарих эса 1993-94 йилдан бошланади.
8. Лассана Диарра
Француз футболчиси 2007 йилда "Челси"дан сотиб олинади. Аммо у "Арсенал"нинг кўп ўйинларда ёрдам бера олмаган. Гарчанд 8 рақамда ҳаракат қилган бўлсада, Диарра ярим мавсум давомида саккизта ўйинда майдонга тушган холос. У январь ойида "Портсмут"га ижарага берилади. Барча мусобақаларда 13 та баҳсда қатнашиб, бирорта гол урмаган футболчи, "Арсенал" турнир жадвалининг юқорисида бўлган пайт жамоадан кетганди.
7. Дани Себальос
"Реал"да асосий таркибга киравермагач, Себальос 2019 йилда ижарага кетишга қарор қилади. Уни "Арсенал" қабул қилган. Испания терма жамоаси аъзоси 2020 йилда "Арсенал" билан Англия кубогида зафар қучганди. Кейинги мавсумда ҳам ярим ҳимоячи лондонликлар билан қолади. Аммо омадсиз ўтган мавсум, уни яна Мадридга қайтишга мажбур қилди.
6. Самир Насри
Насрининг "Арсенал"даги йиллари ҳар-хил кечади. Дастлаб, ажойиб ўйинлари билан мухлисларни хурсанд қилган футболчи, кейинчалик муаммолар гирдобида қолганди. 8 рақам остида Насри "Арсенал" учун бир нечта фантастик ўйинлар ўтказади. Хусусан, французнинг "Порту" дарвозасига урган голи ҳалиям ёдимизда турибди.
5. Микель Артета
"Барселона" академиясидан чиққан футболчи, жамоага оғир пайтда келади. Ўшанда "Арсенал" "МЮ"дан 8-2 ҳисобида қақшатқич мағлубиятни қабул қилиб олганди. "Эвертон"дан сотиб олинган Артета, ўз тажрибаси ва даражаси билан "Арсенал"ни бир неча йил кучли тўртталикдан тушиб кетмаслигини таъминлаб турди. Маълум вақт жамоа сардори бўлган ярим ҳимоячи, 2016 йилда тўпчилар сафидан кетган эди. Артетанинг сўнгги йиллари жароҳатлар сабабли ўта мураккаб кечади.
4. Аарон Рэмзи
Бу рўйхатда Рэмзини қаерга жойлаштиришга анча қийналдик. Уэльслик футболчи катта талант эгаси, аммо ўз қобилиятини натижаларда акс эттира олмаган футболчидир. "Арсенал" мухлислари уни барибир соғинишади. Негаки, собиқ саккизинчи рақам эгаси ўта фантастик даражада чиройли ўйин кўрсатарди. Афсуски, Рэмзининг "Арсенал"даги даври жароҳатлар сабаб муаммога тўла бўлди. Шунга қарамай, у жамоани уч марта Англия кубогида ғолиб бўлишида ёрдам беради.
3. Мартин Эдегор
24 ёшли футболчи ҳалигача "Арсенал"да соврин юта олгани йўқ. Балки бу мавсумда юта олмас. Шунга қарамай, Эдегор саккизинчи рақамлар ичида Артета ва Рэмзидан олдинда турибди. Негаки, у "Арсенал"нинг сўнгги 20 йил ичидаги энг яхши кўринишига сардорлик қилмоқда. Эдегорда сардор сифатида АПЛ чемпиони бўлиш имкони бор. У бунга бор кучи билан ҳаракат қилмоқда.
2. Фредрик Юнгберг
Юнгберг "Арсенал"даги илк голини "МЮ"га қарши баҳсда киритган эди. Ўшанда у 21 ёш бўлган. Тьерри Анри га Патрик Виейра билан Юнгберг ажойиб трио ҳосил қилганди. Швециялик футболчи тўпчиларни Англияда чемпион қилиш ва кубок ютишида катта ёрдам берган.
1. Иан Райт
"Арсенал" дунё футболида ўз брендига эга бўлмасдан олдин, Райт бу жамоанинг юлдузига айланиб улгурган эди. У АПЛнинг дастлабки беш йилида тўпурар бўлади. Олтинчи йили эса "Арсенал"ни чемпионга айлантиради. Англия терма жамоасининг собиқ аъзоси "Арсенал"ни ўртамиёна клубдан топ даражага олиб чиқишда фидокорона меҳнат қилганди. У тўпчилар билан 3 марта сардор сифатида чемпионликка эришади. Арсен Венгер ва Райт 1990 йиллар охири ва 2000 йиллар бошидаги афсонага айланиб улгурган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
