Дунёнинг энг кучли мураббийларидан бири бўлган Пеп Гвардиола тарихда Хави, Андреас Иньеста, Лионель Месси, Серхио Бускетс каби юлдузларга устозлик қилган. Испаниялик мутахассиснинг энг омадли фаолияти "Барселона"да кечади. 2008-2012 йиллар давомида Гвардиола 17 та футболчи сотиб олади. Биз уларнинг ичидаги энг муваффақиятларини танлаб олдик.
1. Жерар Пике
"Барселона"нинг B жамоасида Педро ва Бускетс каби бўлажак юлдузлар Пепдан таълим олади. 2008 йилда бир пайтлар "МЮ"га жўнатилган Пике, қайтадан харид қилинади. Шундан кейин каталонияликлар дунёнинг энг яхши ҳимоячисидан бирига эга бўлганди. Пике "Барса" сафида 14 мавсум ҳаракат қилиб, 8 марта Испания чемпионлиги, 7 маротаба Испания кубогини, яна уч марта ЕЧЛ бош совринини қўлга киритган. У келажакда "Барселона" президенти бўлиши мумкин.
2. Дани Алвеш
Дани Алвеш "Барселона"га ўткунга қадар "Севилья"да нималарга қодир эканини кўрсатиб улгурганди. У андалусиялик сафида Испания кубоги ва иккита еврокубокни қўлга киритади. Гвардиола 2008 йилда Дани Алвешни 31 миллион фунтга харид қилганди. Бразилиялик футболчи ўзига сарфланган пулларнинг тийинигача оқлай олган десак, адашмаймиз.
3. Давид Вильа
Аслида Вильа 2009 йилда Ибрагимовичнинг ўрнига харид қилинганида яхшироқ бўларди. Тўрт йил мобайнида Давид "Валенсия" сафида фантастик даражага чиқади. Шундан кейин, испан ҳужумчиси 28 ёшида Каталония клуби томонидан сотиб олинганди. Ўзининг янги жамоасидаги илк мавсумида Вильа 23 та гол уришга эришган. Месси Педро ва Вилла триоси ўзига хослиги билан ажралиб турарди. Улар биргаликда 2010-11 йилги мавсумда ЕЧЛ ва Испания чемпионлигини қўлга киритган.
4. Хавьер Маскерано
Маскерано 2010 йилда "Ливерпул"дан сотиб олинган пайтида, "Барселона" ярим ҳимоясида унга жой бўлмайди. Негаки, у ерда Бускетс яхши ҳаракат қилган. Аммо аргентиналик футболчи довдираб қолмади. У бутун дунёни ҳайратга солган ҳолда жамоа ҳимоясига жойлашади. Маскерано бўй жиҳатдан мақтана олмаса ҳам, унинг ўйинни ўқий олиш қобилияти жуда ҳам кучли бўлган. Саккиз йил давомида Хавьер жамоага 5 та мамлакат чемпионлиги, яна беш марта мамлакат кубоги ҳамда ЕЧЛ ғолиблигини олиб келганди.
5. Сейду Кейта
Гвардиоланинг тўрт йиллик клубдаги фаолияти Кейтанинг ҳам жамоадаги йиллари саналади. Хави, Иньеста ва Бускетс соясида қолиб кетган бўлса ҳам, Кейта 200 дан ортиқ ўйинларда майдонга тушишга муваффақ бўлганди. У ҳам бир пайтлар "Севилья"дан сотиб олинган.
6. Алексис Санчес
"Удинезе"да кўрсатган ўйинлари чилилик ҳужумчини 2011 йилда "Барселона"га ўтиши билан якун топади. Санчес АПЛда ҳам, "Арсенал" сафида фантастик даражада ҳаракат қилган эди. У 2011-2014 йиллар давомида Фабрегас билан "Барса" шарафини ҳимоя қилади.
7. Сеск Фабрегас
Фабрегас ўзининг асл жамоасига 2011 йилда қайтиб келган эди. У ўз даврида каталонияликлар билан Ла-лига чемпиони ва кубок соҳиби бўлган. Шунга қарамай, Фабрегаснинг энг яхши даври аллақачон "Арсенал" билан қолиб кетганди. Афсуски, ярим ҳимоячи Хавининг ўринбосари бўла олмади. Гвардиола кутган нарсалар Фабрегаснинг қўлидан келмаган.
8. Адриано
Адриано ҳам Мончи томонидан "Севилья"га олиб келинади. Бразилиялик футболчи "Барселона" назарига тушишига кўп вақт кетмади. У дарров сотиб олинади. Адриано жамоа учун анча фойдали чиқди. Қанот ҳимоячиси жамоада 6 та мавсумда майдонга тушиб, 100 дан ортиқ баҳсларда қатнашишга эришганди. Гвардиола ундан ҳам рози бўлиб кетган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бунёдкор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
