Агарда ҳозир ҳам Видич фаолиятини давом эттираётганда эди, бу каби солиштиришга эҳтиёж бўлмасди. Негаки, жавоб аниқ бўларди. Собиқ "МЮ" ҳимоячиси йиллар давомида ўзини фақат яхши томондан намойиш этган. Аммо "Ливерпул"нинг 4 рақами ҳақида ҳам шундай сўзларни ишлатиш мумкин. Келинг, унда бу икки футболчини бир нечта аспектлар асосида таққослаб кўрамиз.
Ҳимояланиш
Футболда ҳимояланиш санъати фақатгина тўпни тепиб юборишдан иборат эмас. Ҳимоячи ҳам ҳамма каби бошқа унсурларни ҳам ўзида жо этган бўлиши керак. 2020 йилда "Ливерпуль" Англия чемпиони бўлади. Ўшанда ван Дейк катта ишни бажарган. Аммо у мавсум давомида "Манчестер Сити" ҳужумчиси Давид Силвадан камроқ тўп олиб қўйишни амалга оширганди. Шунга қарамай, ван Дейк ўйинга бошқа йўллар билан таъсир этган.
Собиқ ҳужумчи Робин ван Перси Видич борасида шундай дейди: "Агарда Неманья ҳақида футболчи сифатида гапирадиган бўлсам, унинг ҳимоявий ҳаракати ҳақида бир нарса айтаман: Видич ўз бошини айрим футболчилар оёғини қўйишга қўрқадиган жойларга қўя оларди". Видич ван Дейкка нисбатан ҳужум ва ҳимояни бирдек маъқул кўрадиган футболчи эди. У Рио Фердинанд билан ажойиб жуфтлик ҳосил қилган. Шу сабабли бу категорияда сербиялик футболчи ғолибдир.
Узатмалар амалга ошириш
Фердинанд Видични шундай деб таърифлайди: "У сизга табассум билан тўп билан ҳам яхши ҳаракат қила олишини айтади. Бу эса уни мукаммал ҳимоячига айлантиради". Видич фақатгина ҳимояда эмас, балки майдон марказида ҳам яхши ҳаракат қилган.
Виржил ван Дейкни яхши биласиз. У тўп билан ҳаракатланишда устаси фаранг. Юрген Клопп жамоасида шундай ҳам бўлиши керак. Мухлислар ван Дейкнинг ҳал қилувчи ва ҳужумларни ўзгартириб юбора оладиган узатмаларига кўп гувоҳ бўлган. Айниқса, нидерландиялик футболчи амалга оширган диагонал пасслар кўп ҳолларда рақиблар мудофаасини шошиб қолишига олиб келади. Мисол тариқасида, ван Дейк ижро этган 2019 йилги ЕЧЛнинг чорак финалидаги узатма Садио Мане томон аниқ ва расо етиб борган. Бу эса уни Видичдан устун қўяди.
Тезлик
Тезлик ҳеч қачон Видичнинг устун томони бўлмаган. Сербиялик асосан Фергюсон жамоасида чуқурроқ ҳимояланиш палласида асқотарди. Шу сабабдан Видич юқорига кўтарилиб ҳимояланадиган жамоада ўйнай олмаган. Клопп эса ўз шогирдларидан айнан шуни талаб қилади. Факт ўлароқ айтиш керакки, Виржил ван Дейк 2018-19 йилги мавсумда тезлик борасида Килиан Мбаппе, Лерой Сане ва Кайл Уокерлардан яхшироқ натижага эга бўлган (34.5 км/соат). Шу туфайли бу борада ҳам нидерландиялик футболчи устун саналади.
Қўрқинч солиш
Майкл Каррик Видични "ўлим даҳшатига солувчи марказий ҳимоячи" дея тасвирлайди. Аммо ундан ҳам қўрқинчлироқ ҳимоячи сифатида ван Дейкни айтсак бўлади. Масалан, ўтган мавсумда "Ливерпуль" "Интер" билан тўқнаш келади. Ўшанда рақиб ҳужумчиси Лаутаро Мартинес ван Дейк билан бирга-бир қолган вазиятда ундан ўтиб кетолмайди. Негаки, олдиндаги рақиб қўрқувга сабаб бўлганди. Гарчанд бу йўналишда ҳам ван Дейк ғолиб бўлсада, Видични бутунлай қўрқинчли бўлмаган дея олмаймиз.
Хулоса
Умумий олганда, Виржил ван Дейк ғолиб деб топилди. Аммо бу хулосани ҳужумчи Трой Динининг нидерландиялик ҳимоячи ҳақида айтган гапи билан исботлашга уриниб кўрамиз. У шундай деган: "У жуда катта, жуда кучли, жуда тез, тўп билан жуда яхши муомала қилади, жангни севади. Соч турмаги ҳам ўзига хос. У билан қарама-қарши келишни истамаган бўлардим".
Шуни ҳам айтиш керакки, Видич ва ван Дейк фақатгина ҳимоячилар эмас. Улар ўта талантли ва майдоннинг катта қисмида узоқ вақт эркин ҳаракат қилган футболчилардир.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
