Жуд Беллингем келаётган ёзда ўзига янги жамоа танлайди. Унинг бориши мумкин бўлган энг идеал манзиллардан бири "Реал" бўлса керак. Тарихда кўп ҳам британиялик футболчилар "Реал" шарафини ҳимоя қилмаган. Аммо Ла-лига гиганти сафида ўйнаган бритлар ўзига хос таъсирга эга бўла олганди. Қуйида "Реал" тарихида клуб либосини кия олган Буюк Британия фуқаролари ҳақида сўз боради.
Гарет Бэйл
У "Реал"дай жамоада ўйнай туриб, испан маданиятини менсимаслик ва гольфга қизиқиши билан ҳамманинг эътиборини тортганди. Бэйл Испания бошкентида катта шуҳрат қозонган. 2013 йилда "Реал", ўша пайтдаги рекорд сумма эвазига "Тоттенхэм" ҳужумчисини сотиб олади. Уэльслик афсона Ла-лига ва жаҳон саҳнида кўплаб ажойиб голларга муаллифлик қилди. Бу борада, унинг биргина Киевдаги ЕЧЛ финалида урган голини эслаш етарлидир. Бэйл жами беш марта ЕЧЛ кубогига эга чиққан.
Жонатан Вудгейт
"Реал" тарихидаги энг ёмон дебютга муаллифлик қилган футболчининг Испаниядаги даври ўта ёмон ўтганди. Ҳимоячи жароҳат сабабли бир йил майдонга туша олмай қийналади. Тушганида эса авто-гол ва қизил карточкага лойиқ топилади. 2005-2006 йилги мавсум охирида Вудгейт яна "Мидлсбро" сафига қайтиб кетганди. 2007 йилда футболчи "Реал"нинг амалга оширган энг ёмон хариди сифатида мухлислар томонидан эътироф этилади.
Майкл Оуэн
Оуэннинг "Реал"га кўчиши ўзи ўйлагандек кечмади. Негаки, ҳужумчи Галактикоснинг айни авж палласида "Реал"га келади. Рауль, Роналдо ва Зидан каби футболчиларни енгиб, асосий таркибга кириш у пайтда деярли имконсиз бўлган. Оуэн "қироллик клуби"га 45 та ўйинда 16 та голи билан ёрдам берганди. 2005 йилда инглиз футболчиси доимий ўйин амалиётига эга бўлиш учун "Ньюкасл"га йўл олади. Майкл Оуэн Испаниядаги даврини ўта оғир ўтган деб баҳолаганди.
Дэвид Бекхэм
Галактикос даври эди. 2003 йилнинг ёзида "Реал" шундоққина "Барселона"нинг тумшуғи тагидан Бекхэм трансферини ӯғирлаб кетади. Инглиз ярим ҳимоячисининг жамоага келиши, футболка сотувига ижобий таъсир кўрсатгани билан, Бекхэм "Реал"даги дастлабки 3 йилида ҳеч нарса юта олмайди. Фабио Капелло Бекхэмдан асосий таркибда фойдаланишни тўхтатиб қўйганди. Аммо футболчи ўрни учун курашиб, 2006-07 йилги мавсумда Испания чемпионлигига эришади. Бекхэм бутун бошли "Реал"даги пайтида 155 та ўйинда майдонга тушиб, 20 та гол уришга эришган. 2007 йилда у "ЛА Гэлакси"га сотиб юборилади.
Стив Макманаман
Макманаманнинг "Реал"даги фаолияти футболчининг талантига салбий таъсир кўрсатганди. "Ливерпуль" сафида порлаган футболчи, 1999 йилда Испанияга йўл олади. У "Реал" билан илк мавсумини ЕЧЛдаги чемпионлик билан тугатганди. Луиш Фигунинг жамоага келиши, Макманаманнинг майдондаги вақтини камайтиради. У 2002 йилги ЕЧЛ ярим-финалида "Барселона" дарвозасига тўп киритади.
Лури Каннингем
Каннингем "Реал" либосини кийган илк инглиз футболчиси саналади. У 1979 йилда "Вест Бром"дан харид қилинади. Ажойиб ҳужумчи ўзининг дебют баҳсида дубл қайд этади. Испаниядаги биринчи мавсумни Каннингем чемпионлик ва кубок билан тугатади. У 1983 йилда Испанияни тарк этади. Орадан олти йил ўтиб, ҳужумчи автоҳалокат сабабли даҳшатли ўлим топади. Ўшанда у эндигина 33 ёшда эди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
