"Барселона" бундан олдинги иккита ўйинни омадсиз ўтказди. Аввалига каталонияликлар Испания кубоги ярим финалида “Реал”дан (0:4) аламли мағлубиятга учраган бўлса, кейин Ла Лигада “Жирона”га (0:0) гол ура олмади. Ҳужумчи Роберт Левандовскининг ўйини эса лигада сезиларли даражада пасайган.
Қатардаги жаҳон чемпионатигача Левандовски Испания чемпионатида 14 та ўйин ўтказиб, 13 бор рақиблар дарвозасини ишғол қилган. Шу тариқа, полшалик ҳужумчи ҳар бир ўйинда ўртача 0,93 тадан гол урган. Турнирдан кейин эса Роберт 10 учрашув ўтказди ва тўртта гол урди (ҳар бир ўйинга ўртача 0,4 гол). Левандовски учта учрашувни дисквалификация, биттасини жароҳат туфайли ўтказиб юборди. Агар Ла Лигада бутун мавсумни оладиган бўлсак, ҳужумчи 23 ўйинда 17 та голга эга (ҳар бир ўйинда 0,71).
Кўрсаткичлар пасайиб кетганига қарамай, Левандовски Ла Лига тўпурарлари рўйхатида ҳамон етакчилик қилмоқда. Иккинчи қаторда эса “Реал” ҳужумчиси Карим Бензема у 14 та гол урди. ЖЧ-2022даги танаффусга қадар франциялик футболчи Испания чемпионатида бор йўғи еттита ўйин ўтказган, чунки жароҳати сабаб еттита учрашувни ўтказиб юборган. 2022 йилнинг ноябрь ойида Бензема бешта гол урган бўлса, ҳозир у 14тага етди.
Ла лига қайта бошланганидан сўнг Карим 11 учрашувда тўққиз марта рақиблар дарвозасини ишғол қилди. "Реал Мадрид" футболчиси Левандовскидан фарқли ўлароқ, ўйинида сезиларли ўсиш кузатилди. Бутун мавсум давомида Бензема 18 та ўйинда 14 та гол урди, яъни ҳар бир ўйинда ўртача 0,78 тадан. Карим учун бу кўрсаткич тўпурарлар пойгаси пешқадамидан бироз юқорироқ.
Левандовскининг ўзи сўнгги ўйинларини жароҳат билан ўтказганини таъкидлади: “Реал” билан кубок ўйинида Милитаодан ёқимсиз зарба қабул қилдим. Иккинчи бўлимда ўйнаш қийин бўлди. “Жирона”га қарши ўйин олдидан юролмай қолдим. Биз физиотерапевтлар билан ишладик ва мен майдонга тушишга муваффақ бўлдим. Мен оғриқдан ўйнамайдиган футболчи эмасман, доим жамоага яқин бўлишга ҳаракат қиламан. Сўнгги икки ўйин энг яхшиси бўлмади, мавсум охирида ўйинимни кучайтиришим керак.
Қанча гол урсам ҳам ҳеч қачон хурсанд бўлмайман. Жаҳон чемпионатидан кейин ўйиним пасайди, аммо охирги ўйинларда бутун жамоа яхши ҳаракат қилмади. Одамлар мендан нимани хоҳлашларини биламан. Умид қиламанки, мавсумнинг сўнгги ўйинларида аввалгидек ўйнаймиз”, дейди Левандовски.
2023 йилда Каталония клуби 22 та расмий ўйин ўтказди. Қизиғи шундаки, Левандовски - Педри - Усмон Дембеле триоси атиги учта учрашувда бирга майдонга тушган. Бу Саудия Арабистонида бўлиб ўтган Испания Суперкубогининг иккита ўйини ва "Реал Соседад" билан кубок ўйини эди. Ушбу учрашувларда Левандовски “гол+пас” тизимида 3 (2+1) очко жамғарган бўлса, Педри ва Дембеле биттадан гол уришди. Ҳозир испан ва француз жароҳат олганлар рўйхатида, улар йўқлигида полякнинг кўрсаткичи сезиларли даражада пасайган.
Нуфузли Marca нашри вазиятни қуйидагича баҳолайди: “Левандовски билан боғлиқ вазият хавотирли тус олмоқда. Ҳозир жамоага чинакам поляк керак, лекин унинг кўрсаткичи пасайиб кетди. "Барселона"нинг йўқотишлари жуда сезиларли, гарчи раҳбарият бунга эътибор қаратмаяпти. Қолганлар вазиятни яхшилашга ҳаракат қилишяпти, аммо охирги ўйинларда унчалик яхши ҳаракат қилишмаяпти. Айрим ўйинларда Левандовски кўринмаяпти. Тўп унга етиб бормайди ва у вазиятлар яратмайди”.
Аммо “Барселона” бош мураббийи Хави вазиятни хотиржамлик билан баҳолади: “Мени Левандовскининг ўйини эмас, фақат чемпионлик ҳақида қайғураман. "Жирона"га қарши ўйинда бизда самарадорлик етишмади, шу боис ўзимизни танқид қилишимиз керак. Афсуски, “Реал”дан очколар сонини 15тага етказиш имкониятини қўлдан бой бердик”.
Балки Педрининг қайтиши билан вазият яхши томонга ўзгарар. Ҳозир испаниялик ўзини яхши ҳис қилмоқда, бироқ унинг қачон майдонга қайтиши ҳозирча ноаниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
