1. Лионель Месси (2005)
Барча даврларнинг энг яхши футболчиларидан бири, шубҳасиз Мессидир. Унинг номи Руни ва Подолскидан олдин эътироф этилади. Бунга етарлича сабаблар бор. Месси 2005 йилда бу совринни қўлга киритган. Орадан тўрт йил ўтиб, амалдаги жаҳон чемпиони "Олтин тўп"га эришади. Шундан бери Месси яна олтита "Golden Ball" билан тақдирланганди. Унинг ҳозиргача бўлган тарихини эса яхши биласиз.
2. Уэйн Руни (2004)
Руни 2004 йилда энг яхши ёш футболчи деб топилган. Аммо у пайтда инглиз ҳужумчиси аллақачон "МЮ" футболчисига айланганди. Бу соврин Рунига "Эвертон"даги ўйинлари ва Англия термасидаги порлаши ортидан берилади. Ўшанда номинацияда бор футболчилар Роналду ва Торрес эди. Руни эса уларни мағлуб этади.
3. Килиан Мбаппе (2017)
2016-17 йилги мавсумда Мбаппе "Монако" сафида Франция чемпионига айланади. Шу сабаб у "Golden Boy" совринини олишда Усмон Дембеле ва Габриэл Жезусни мағлуб эта олганди. Шу воқеаран бир йил ўтиб, ҳужумчи Францияни Жаҳон чемпионига айлантиради. У бу ишни 2022 йилда ҳам уддалишга сал қолганди.
4. Сеск Фабрегас (2006)
Фабрегас совринга эга чиққанида, аллақачон АПЛдаги энг яхши ярим ҳимоячилардан бирига айланиб улгурганди. У уч йил олдин "Барселона"дан олиб келинади. 2011 йилда футболчи яна ўз клубига, Каталонияга қайтади. Фабрегас "Челси"га 2014 йилда ўтиб, икки бор АПЛда чемпионликни қўлга киритган. У икки бор Испания таркибида Европа чемпиони, бир марта эса Жаҳон чемпионати ғолибига айланган.
5. Серхио Агуэро (2007)
Агуэро "Атлетико"га ўтганидан кейин бир йил ичида "Golden Boy" деб топилади. У 15 миллион фунт эвазига "Индепендьенте"дан харид қилинади. Мадрид клуби аргентиналик ҳужумчини "Манчестер Сити"га сотганида, унинг трансферидан икки баробар фойда кўрганди.
6. Рахим Стерлинг (2014)
Стерлинг бу совринга ўша пайтдаги жамоадошлари бўлган Лазар Маркович ҳамда Дивок Ориги билан бирга курашади. "Ливерпул"дан у 2015 йилда "Манчестер Сити" томон йўл олганди. Инглиз ҳужумчиси у ерда 4 марта АПЛ ғолиби бўлади. Шунингдек, футболчи 2019 йилда Англияда энг яхши деб топилади.
7. Эрлинг Холанд (2020)'
2020 йилги соврин ғолиблигини қўлга киритган ҳужумчи, "Манчестер Сити"да ақлбовар қилмас ишларни амалга оширмоқда. У ўтган ёзда "Боруссия Дортмунд"дан 60 миллион фунт эвазига сотиб олинганди.
8. Рафаэл ван дер Ваарт (2003)
Тарихдаги илк "Golden Boy" совринига эга чиққан футболчи ван дер Ваaрт эди. У ўз даврида "янги Йохан Кройф" дея таъриф берилганди. "Аякс"да порлаган юлдуз, клуб академиясида тарбия топади. У ердан кейин ҳужумчи "Гамбург"га йўл олган. Ван дер Вaарт Нидерландия билан 109 та ўйин ўтказган эди.
9. Иско (2012)
2012 йилда совринни ютиши билан, испан футболчиси "Реал" томон кетади. У ерда ярим ҳимоячи беш марта ЕЧЛда зафар қучади. 3 марта эса Испания чемпиони бўлади. 30 ёшли футболчи бир муддат "Севилья"да ҳаракай қилгач, ҳозирда эркин агент сифатида таклиф кутмоқда.
10. Поль Погба (2013)
Погба Жаҳон чемпиони бўлишга эришган. У 2013 йилда "Golden Boy" совринига лойиқ кўрилади. Ўшанда у "Ювентус" сафида порлаганди. Орадан 3 йил ўтгач, Погба рекорд суммада "МЮ" ўтганди. Айни дамда француз ярим ҳимоячиси яна Туринга қайтган. Аммо бу қайтишни омадли дея олмаймиз.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
