"Милан" ҳимоячиси Тео Эрнандес "Инстаграм" ижтимоий тармоғида ўғли билан тушган суратини жойлаштирганидан сўнг бир қанча ҳақоратомуз фикрларни олди.
Шарҳлар орасида ўлим ҳақидаги тиклар бор эди. "Сиз ҳам ўласиз, ўғлингиз ҳам", "Сиз Жанлука Виалли (саратон туфайли вафот этган - муаллиф) каби бўласиз". Баъзи шарҳлар неаполликлар лаҳжасида ёзилган.
Эрнандеснинг жамоадоши Рафаэль Леу бунга муносабат билдирди.
"Афсуски, ижтимоий тармоқлар ҳар ким ўзи хоҳлаган нарсани айта олади деб ўйлайдиган воситадир. Хавотир олманг ука, Худо доим оилангиз билан", — деб ёзган Леау.
C Сериядаги "Пескара" ҳам ўз муносабатини билдирди.
"Қандай қилиб одам ва унинг ўғлига ўлим тилаш мумкин? Спортга ҳеч қандай алоқаси бўлмаган шармандали изоҳларга дуч келган яна бир спортчи Тео Эрнандес билан бирдаммиз.
Ўйинчига қаратилган ҳар қандай ҳақоратомуз ёки камситувчи сўзларни қоралаш (улар қандай формада бўлишидан қатъий назар) биз бунга биргаликда қарши эканлигимизни англатиши керак. Аммо биз бу ерда олган изоҳларга қараганда, ундай эмас" - деди Пескара ўз баёнотида.
"Милан" навбатдаги ўйинни 18 апрель куни "Наполи"га қарши ўтказади - бу Чемпионлар лигасининг 1/4 финали доирасидаги ўйин. Дастлабки ўйинда “россонерилар” 1:0 ҳисобида ғалаба қозонишган.
Матнда хатолик топсангиз, ўша хатони белгилаб, бизга жўнатинг (Ctrl + Enter).