"Манчестер Сити" юлдузи Эрлинг Холанд, ўзининг 1 миллион фунт-стерлингга тенг бўлган қўлсоатлар коллекцияси билан мақтана олади. 22 ёшли футболчи ўз жамоаси учун мавсум давомида голлар уриб чарчамаяпти. У аллақачон Муҳаммад Салоҳнинг 32 та голлик рекордига етиб олди. Аммо Холандда яна 8 та баҳсда майдонга тушиш имконияти мавжуд. Футболчи майдондан ташқарида машиналардан ва соатлар йиғишга ҳам қизиқади. Қуйида Холанд ўз билагини қандай соатлар билан безашни яхши кўришини билиб оласиз.
10. Rolex "Starbucks" – 15 минг фунт
2020 йилда илк марта тайёрланган қурилма, Rolex'нинг Submariner Ceramit версиясидан илҳомланган. Аммо у соатнинг қайта ишланган 41mm турига киради. Соат пўлатдан тайёрланган ва яшил керамика билан қопланган. Холанд бу қўлсоат билан Instagram'ида расмга тушиб, реклама баннерида пайдо бўлганди.
9. Rolex "Hulk" – 22 минг 500 фунт
Бу соат Submariner версиясининг 11610LV деб номланган версияси ҳисобланади. У илк марта 2010 йилда тайёрланган. Аслида 7,600 фунт туради. Аммо вақт ўтгани сайин ўз қадрини орттирган. Қолаверса, Rolex Ceramit моделини ишлаб чиқаришни тўхтатиб қўйганди.
8. Rolex "Smurf" – 37 минг 800 фунт
Smurf кўк рангда товланади. Холандни Манчестернинг кўк томонида ўйнашини ҳисобга олсак, бу қўлсоат унга жуда ҳам мос келади. Футболчи бу соатни кийимларига мослаган ҳолда бемалол фахр билан тақиб юриши мумкин.
7. Rolex "Root Beer" – 38 минг 600 фунт
Ёрқинроқ рангларни ифодалайдиган материаллардан тайёрланган соат, GMT-Master II савдо белгиси остида илк бор 2018 йилда сотувга чиқарилади. Қора миллар ва сонлардаги қора ва жигар рангларининг аралашуви, дизайнни янада классик қилади. Бу версиядан "Реал" футболчиси Карим Бензема ҳам фойдаланади.
6. Rolex Daytona green dial – 77 минг 200 фунт
Daytona энг машҳур турнинг серияларидан биридир. Поп-юлдузи Драке ҳам шу соатдан тақади. Олтин рангда товланадиган ташқи корпус, яшил кўрсаткичларга эга. Соат илк марта 2016 йилда тақдим этилган.
5. Rolex Daytona ice blue – 110 минг 900 фунт
Платина Rolex кўк рангда ифодаланади. Бу ранг эса Холанднинг рақиб дарвозаси олдидаги совуққонлигини ҳам билдиради. Соатнинг нархи қиммат. Негаки, унга ишлатилган материаллар анча нархга баҳоланган.
4. Patek Philippe Nautilus – 112 минг 595 фунт
Яна бир кўк қўл соат футболчиларнинг севимли аксессуаридир. Ушбу бренд маҳсулотлатидан Бензема, Месси, Серхио Рамос ва энди, Холанд ҳам фойдаланмоқда.
3. Rolex Daytona "Eye of the Tiger" – 241 минг 275 фунт
Коллекциядаги энг қимматларидан бири бўлган қўлсоат, Холанднинг севимлиси ҳисобланади. Қурилманинг ичига олмос элементлари жой бўлган. Миллар эса олтиндан ишланган. ЛеБрон Жеймс ва Неймар ҳам айнан шунақасига эгалик қилади.
2. Audemars Piguet Royal – 241 минг 275 фунт
Холанднинг ижтимоий тармоқларини кузатадиган бўлсангиз, футболчи камида иккита Piguet'га эгалик қилишини билиб оласиз. Қурилма дунё бўйлаб фақатгина 300 нусхада тайёрланган бўлиб, тилла милларга эга. Ранги ўзига хос ва Salmon деб номланади. Нархи ҳам шунга яраша албатта.
1. Audemars Piguet Jumbo – 281 минг 445 фунт
"Extra-Thin" сариқ вақт машинасида ҳам олтин элементлари мавжуд. Кўрсаткичларда буни яққол сезиш мумкин. Қурилма илк бор Royal Oak'нинг 50 йиллигини нишонланган, 2022 йилда тақдим этилганди. Холанд бу соатни олиш учун бир ҳафталик маошини кетказган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
