"Manchester Siti" yulduzi Erling Xoland, o‘zining 1 million funt-sterlingga teng bo‘lgan qo‘lsoatlar kolleksiyasi bilan maqtana oladi. 22 yoshli futbolchi o‘z jamoasi uchun mavsum davomida gollar urib charchamayapti. U allaqachon Muhammad Salohning 32 ta gollik rekordiga yetib oldi. Ammo Xolandda yana 8 ta bahsda maydonga tushish imkoniyati mavjud. Futbolchi maydondan tashqarida mashinalardan va soatlar yig‘ishga ham qiziqadi. Quyida Xoland o‘z bilagini qanday soatlar bilan bezashni yaxshi ko‘rishini bilib olasiz.
10. Rolex "Starbucks" – 15 ming funt
2020 yilda ilk marta tayyorlangan qurilma, Rolex'ning Submariner Ceramit versiyasidan ilhomlangan. Ammo u soatning qayta ishlangan 41mm turiga kiradi. Soat po‘latdan tayyorlangan va yashil keramika bilan qoplangan. Xoland bu qo‘lsoat bilan Instagram'ida rasmga tushib, reklama bannerida paydo bo‘lgandi.
9. Rolex "Hulk" – 22 ming 500 funt
Bu soat Submariner versiyasining 11610LV deb nomlangan versiyasi hisoblanadi. U ilk marta 2010 yilda tayyorlangan. Aslida 7,600 funt turadi. Ammo vaqt o‘tgani sayin o‘z qadrini orttirgan. Qolaversa, Rolex Ceramit modelini ishlab chiqarishni to‘xtatib qo‘ygandi.
8. Rolex "Smurf" – 37 ming 800 funt
Smurf ko‘k rangda tovlanadi. Xolandni Manchesterning ko‘k tomonida o‘ynashini hisobga olsak, bu qo‘lsoat unga juda ham mos keladi. Futbolchi bu soatni kiyimlariga moslagan holda bemalol faxr bilan taqib yurishi mumkin.
7. Rolex "Root Beer" – 38 ming 600 funt
Yorqinroq ranglarni ifodalaydigan materiallardan tayyorlangan soat, GMT-Master II savdo belgisi ostida ilk bor 2018 yilda sotuvga chiqariladi. Qora millar va sonlardagi qora va jigar ranglarining aralashuvi, dizaynni yanada klassik qiladi. Bu versiyadan "Real" futbolchisi Karim Benzema ham foydalanadi.
6. Rolex Daytona green dial – 77 ming 200 funt
Daytona eng mashhur turning seriyalaridan biridir. Pop-yulduzi Drake ham shu soatdan taqadi. Oltin rangda tovlanadigan tashqi korpus, yashil ko‘rsatkichlarga ega. Soat ilk marta 2016 yilda taqdim etilgan.
5. Rolex Daytona ice blue – 110 ming 900 funt
Platina Rolex ko‘k rangda ifodalanadi. Bu rang esa Xolandning raqib darvozasi oldidagi sovuqqonligini ham bildiradi. Soatning narxi qimmat. Negaki, unga ishlatilgan materiallar ancha narxga baholangan.
4. Patek Philippe Nautilus – 112 ming 595 funt
Yana bir ko‘k qo‘l soat futbolchilarning sevimli aksessuaridir. Ushbu brend mahsulotlatidan Benzema, Messi, Serxio Ramos va endi, Xoland ham foydalanmoqda.
3. Rolex Daytona "Eye of the Tiger" – 241 ming 275 funt
Kolleksiyadagi eng qimmatlaridan biri bo‘lgan qo‘lsoat, Xolandning sevimlisi hisoblanadi. Qurilmaning ichiga olmos elementlari joy bo‘lgan. Millar esa oltindan ishlangan. LeBron Jeyms va Neymar ham aynan shunaqasiga egalik qiladi.
2. Audemars Piguet Royal – 241 ming 275 funt
Xolandning ijtimoiy tarmoqlarini kuzatadigan bo‘lsangiz, futbolchi kamida ikkita Piguet'ga egalik qilishini bilib olasiz. Qurilma dunyo bo‘ylab faqatgina 300 nusxada tayyorlangan bo‘lib, tilla millarga ega. Rangi o‘ziga xos va Salmon deb nomlanadi. Narxi ham shunga yarasha albatta.
1. Audemars Piguet Jumbo – 281 ming 445 funt
"Extra-Thin" sariq vaqt mashinasida ham oltin elementlari mavjud. Ko‘rsatkichlarda buni yaqqol sezish mumkin. Qurilma ilk bor Royal Oak'ning 50 yilligini nishonlangan, 2022 yilda taqdim etilgandi. Xoland bu soatni olish uchun bir haftalik maoshini ketkazgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
