Суперкомьпютер "Манчестер Сити"ни Европа чемпионлар лигаси мусобақасининг 2023 йилги версиясини ютишга энг яқин жамоа деб ҳисобламоқда. Пеп Гвардиола жамоаси сўнгги бир неча йиллардан бери ғалабага яқин келган, аммо қўлга кирита олмаган эди. "Шаҳарликлар" чорак-финалда "Бавария" билан тўқнаш келиб, рақибни икки ўйин натижасига кўра, 4-1 ҳисобида мағлубиятга учратган эди. Шундан кейин махсус алгоритмга эга қурилма, "Манчестер Сити"ни энг яхши титул фаворити сифатида тақдим эта бошлади.
Суперкомпьютер ғолиб номи тахмин қилиш жараёнида бир нечта факторларга суянади. Улар ичида сўнгги натижалар, xG кўрсаткичлари ва мавсумолди хулосалари жо бўлган. Шундан кейин ҳамма маълумотлар 20 минг марта қайта ишланади. Натижада, қуйидаги тахминлар ҳосил бўлди. Унга кўра, "Манчестер Сити" клуби 65.75 фоиз финалга етиб бориш эҳтимолига эга. "Шаҳарликлар"нинг ЕЧЛни ютиш кўрсаткичи эса 50.25 фоизга тенгдир.
Мадриднинг "Реал" клуби турнирнинг амалдаги ғолиби саналади. Шунга қарамай, "қироллик клуби"да финалга етиш учун 34.25 фоиз имконият мавжуд холос. Анчелотти шогирдлари мусобақани ютиш борасида ундан ҳам камроқ, 22.57 фоизга эгалик қилади.
Суперкомпьютер иккинчи ярим-финал учун ҳам вердиктлар келтирган. Унга кўра, "Интер"да "Милан"ни мағлуб этиб, финалга йўл олишга 54.22 фоиз имконият мавжуд. Бу борада "Милан"нинг эҳтимолияти 45.78 фоизга тенг. Ҳар икки Милан клубида турнир ғолиблигига эришиш борасида мураккаблик мавжуд. Суперкомпьютер италян гигантларига бу борада мос равишда "Интер" учун 14.65 фоиз, "Милан"га эса 12.53 фоиз ишонч билдирган.
Ҳар икки ярим-финаллар кейинги, май ойида бўлиб ўтади. Финал эса 10 июнь куни Туркиянинг Истанбул шаҳрида ташкиллаштирилади.
Гарчанд энг жиддий даъвогар сифатидан тахмин қилинган бўлсада, "Манчестер Сити" устози Пеп Гвардиола мавсумдаги зич ўйинлар таъсири сабабли ўз жамоасида ҳолдан тойиш кузатилаётганини тан олди. У "Шеффилд Юнайтед"га қарши Англия кубоги ярим-финали олдидан шундай дейди:
"Биз ҳолдан тойдик. "Шеффилд" билан қандай ўйнаймиз, буни билмайман. Шанба куни бизни мураккаб баҳс кутиб турибди. Биз уч йил кетма-кет ЕЧЛ ярим финалигача етиб келмоқдамиз. Чорак-финалнинг иккинчи ўйинида анча чарчаб қолгандик. Упамекано ва Коман каби рақиб вакиллари бизга катта муаммолар туғдирди. Пенальтидан фойдалана олмадик. Аммо шу воқеага қадар рақибда бир-иккита ўта яхши имконият бўлди. Ҳамма нарса бўлиши мумкин эди. Омадли эканмиз, яхши ҳимоялана олдик. Холанд хатосини тузатиб, гол урди. Бу турнирда етарлича тажрибага эга бўлдик. Футболчиларимиз буни ҳис қилмоқда. Шу сабабли "Бавария"дек жамоага ҳеч қандай имконият қолдирмадик. Энди эса бизни ҳақиқий жанг кутиб турибди".
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
