«Манчестер Юнайтед» тарихий рекорд остонасида
“Манчестер Юнайтед” Англия Кубоги финалига йўл олди. “Қизил иблислар” ярим финалда “Уэмбли” стадионида “Брайтон”ни мағлуб этди. Учрашувнинг асосий вақтида ҳам, қўшимча дақиқаларида ҳам етарлича вазиятлар бўлди, бироқ ўйин тақдири пенальтилар сериясида ҳал бўлди.
Иккала жамоа ҳам биринчи олтита зарбани голга айлантирди. Кейин эса “Манчестер Юнайтед” футболчиси Ваут Вегорст тўпни ўпди ва “Брайтон” етакчиларидан бири Солли Марчга берди. У зарбада адашди. Манчестерликлар сафида эса Виктор Линдельоф ҳал қилувчи пенальтини голга айлантирди.
“Манчестер Юнайтед” сўнгги тўққизта пенальтилар сериясидан фақатгина иккитасида ғалаба қозонган. Манкунианлар охирги марта 2019 йилда Англия Лига Кубоги доирасида “Рочдейл” клубини пенальтилар сериясида мағлуб этганди. Қизиқ факт: иккала ўйинда ҳам рақиб дарвозасини Роберт Санчес қўриқлаган. “Рочдейл” дарвозабонни айнан “Брайтон”дан ижарага олганди. Ҳар икки сафар ҳам дарвозабон пенальтиларни бирортасини қайтара олмаган.
Шунингдек, “Манчестер Юнайтед” Англия Кубоги доирасида илк бор пенальтилар сериясида ғолиб бўлди. Манчестер клуби 2023 йилнинг 24 апрелига қадар мусобақа доирасида тўрт марта пенальтилар сериясида иштирок этган ва барчасида мағлуб бўлган.
Роберто Де Зербининг “Брайтон”и ажойиб ўтказаётган мавсумини совринсиз якунлайдиган бўлди. Англия Лига Кубогида “Арсенал”ни мағлуб этган жамоа пенальтилар сериясида “Чарлтон”га мағлуб бўлди. Англия Кубогида эса “Ливерпуль”дан ўта олган жамоа яна пенальтилар серияси туфайли ўз юришини тўхтатди. “Брайтон”нинг “Уэмбли”да омади юришмайди. Жамоа Англиянинг асосий стадионида ўтказган 6 та ўйинида бирор марта ҳам ғалаба қозона олмаган (2 дуранг ва 4 мағлубият). “Чайкалар” бу майдонда тўртинчи марта гол ура олмади.
“Манчестер Юнайтед” жорий мавсум Англия Лига Кубоги ғолиблигини қўлга киритди. Эндиликда мавсумдаги иккинчи титулидан бир қадам ажратиб турибди. Жамоа тарихда учинчи марта бир мавсумда иккала финалда ҳам иштирок этмоқда:
— 1982/83 йилги мавсумда Рон Аткинсон жамоаси Англия Кубогида “Брайтон”ни мағлуб этган (2:2 ва 4:0), Лига Кубогида эса 1:2 ҳисобида “Ливерпуль”га мағлуб бўлган.
— 1993/94 йилда эса Алекс Фергюсон жамоаси Англия Кубоги финалида “Челси”ни йирик 4:0 ҳисобида мағлуб этган. Лига Кубогида эса Рон Аткинсоннинг “Астон Вилла”сига 1:3 ҳисобида мағлуб бўлган.
“Манчестер Юнайтед” ҳали бир мавсумда Англия кубокларида дублга эришмаган. Эрик тен Ҳаг биринчи мавсумидаёқ шундай ноёб натижага эришиши мумкин.
Тен Ҳаг шогирдларини финалда “Манчестер Сити” кутиб турибди. Бунгача турнирнинг 152 йиллик тарихида Манчестер клублари финалда ўзаро тўқнаш келмаган.
Маълумот учун, “шаҳарликлар” Англия Кубогида 6 марта ғолиб чиққан. “Манчестер Юнайтед” эса мусобақанинг 12 карра чемпиони ҳисобланади.
Манба: daryo.uz
Киритилди: 18:33, 24.04.2023. Ўқилди: 4492 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
