Еврофутболда требл аталмиш тушунча борки, кўплаб гранд клублар у сари интилади ва барча совринларни ютиш учун курашади. Шу сабабли бу мавсумда ҳам бундай жамоа йўқ эмас. Ўзи иштирок этаётган катта турнирларда кубок соҳиби бўлиш анча мураккаб иш. Бунинг учун нафақат маҳорат ва тажриба балки, омад ҳам зарур бўлади. Треблни қўлга киритиш учун УЕФА чемпионлар лигасида ғалаба қозониш керак ва бунинг учун 4 жамоа кураш олиб бормоқда. "Милан" ва "Интер" А серияда чемпион бўла олмайди ва улар шу сабабли бу курашдан чиқиб кетади. "Реал" эса Испания Ла Лигасида "Барселона"дан анча ортда қолмоқда ва уларнинг требл қайд этиши жуда қийин. Ягона катта номзод бу "Манчестер Сити". "Шаҳарликлар" требл қайд эта оладими? Қўйида шу ҳақида фикр юритамиз.
Англия кубоги
Англия кубогида финалчилар номи аниқ бўлиб улгурган. Ўтган ҳафтада ярим финал учрашувлари бўлиб ўтди ва унда Манчестернинг икки клуби кейинги босқич масаласини ҳал қилишди. Финал ўйини 3-июнь куни бўлиб ўтади. Уэмбли ўйингоҳида бўлиб ўтадиган баҳс икки клуб учун ҳам муҳим. "МЮ" мавсумни соврин билан якунлаши, "Ман Сити" эса требл учун курашда давом этиши мумкин. Аммо "шаҳарликлар" бу учрашувгача Премьер лига масаласини ҳал қилиб бўлади ва Чемпионлар лигаси ярим финал ўйинини ҳам якунлаб улгуради. Шундай эккан нафақат требл учун қадам, ёки аксинчаси ҳам бўлиши мумкин. Яъни икки клуб учун ҳам мавсумдаги ягона соврин учун курашни ҳам кўришимиз мумкин.
Премьер-лига
Сити учун нисбатан турнирлар ичида қўлга киритилиши осонроқ бўлган мусобақа. Чунки чемпионлик ўз қўлида ва уларнинг имконияти ҳамманикидан ёқори баҳоланмоқда. Клуб "Арсенал" билан ўйинда очко қўлга киритиши ва рақибидан нисбатан осонроқ бўлган тақвимда максимал очко жамғариши шарт. Бундай турнирлар учун Гвардиола идеал мураббий ва таркиб жиҳатдан ҳам "шаҳарликлар" истаганича ротация қила оладиган кучга эга. Муҳими жамоада Холанд бор. Ушбу мусобақа Сити учун қўлга киритиладиган биринчи кубок бўлиши мумкин. Шунингдек, жамоада мотивация учун яна бир сабаб бўлувчи нарса бор - Чемпионлар лигаси ярим финалидаги мағлубият. Агар бу воқеа содир бўлса, Сити бор кучини премьер лигага қаратиши аниқ. Лекин ҳали бу ҳақида фикр юритишга эрта.
Чемпионлар лигаси
"Манчестер Сити" учун орзу бўлиб қолаётган кубок. 3 мавсумдан бери жамоа бу кубокни қўлга киритиш учун жуда яқин келди. Бир марта финалда мағлубият иккинчиси деярли финалга чиққан пайтидаги камбек қурбони бўлиши ва бу мавсум. Ўтган мавсумда "Реал" камбек эвазига "шаҳарликлар"ни таслим этган эди. Бу мавсум ҳам ярим финалда ушбу баҳс гувоҳи бўламиз. Бу ўйин Сити учун мавсумдаги энг муҳим ва қийин баҳс бўлиши кутилмоқда. Мақола ёзилаётган пайти "Реал" "Жирона"га 4-1 ҳисобида мағлуб бўлмоқда, аммо бу Ла лига. "Реал" чемпионлар лигасида бошқача ўйин кўрсатишини Гвардиола биздан ҳам яхши билади. Ушбу баҳс финалга тенг. Агар "Сити" ғалаба қозонса, Финал олдидан уларда 2та кубок бўлиши ва требл учун бир қадам қолиши мумкин. Ёки аксинча.
Миржалол Пардабоёв мақоласи
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
