"Тоттенхэм" пайшанба кунги "Манчестер Юнайтед" билан бўладиган кураш, жамоанинг чуқур инқироз даврини тугатади деб умиқ қилмоқда. Ўтган якшанба куни "шпорлар" "Ньюкасл" майдонидан йирик мағлубият билан қайтган эди. 6-1 ҳисоби, "Тоттенхэм"да мураббий алмашинувига сабабчи бўлди. Ўзи вақтинчалик мақомида бўлган Кристиан Стеллини жамоани тарк этиб, унинг ўрнини мавсум охирига қадар Райан Мейсон эгаллади. Жорий ҳафта Лондон жамоаси учун ўта муҳим бўлиши айтилганди. Негаки, "Манчестер Юнайтед" ва "Ливерпуль" билан тўқнашувлар айнан бу ҳафтада бўлиб ўтади. Шунингдек, бу икки баҳс клубнинг ЕЧЛга чиқиш ёки чиқа олмаслик масаласини ҳам ҳал қилади. Айни дамда шимолий лондонликлар турнир жадвалининг 7 ўринидан жой олиб турибди.
Жамоага рақиб бўладиган "МЮ"да эса ҳаммаси жойида. "Қизил иблислар" Англия кубогининг финалига йўл олди.
Қуйида "Тоттенхэм" ва "МЮ" учрашувига алоқадор энг муҳим маълумотлар тақдим этилади.
Баҳс қаерда ўтказилади?
Жой: Англия, Лондон
Ўйингоҳ: "Tottenham Hotspur Stadium"
Вақт: 27 апрель, пайшанба
Старт: 20:15 маҳаллий вақт билан, 00:15 Тошкент вақти билан
Бош ҳакам: Энтони Тейлор
VAR: Саймон Хупер
Ўзаро ўйинлардаги сўнгги 5 та натижа:
"Тоттенхэм"да 1 та ғалаба
"МЮ"да 4 та ғалаба
Дуранг: 0 та.
Жамоалар спорт формалари (сўнгги бешта):
"Тоттенхэм": 2 та дуранг, 1 та ғалаба, 2 та мағлубият
"МЮ": 3 та ғалаба, 1 та маълубият 1 та дуранг
"Тоттенхэм" ҳақида
Охирги бир неча кун жамоа учун ўта ёмон равишда ўтди. Янги мураббий Мейсон, бир нечта ўзгаришларни амалга оширса керак. Бу нарса эртага аниқ бўлади. "Шпорлар" муҳим баҳсда Эмерсон Рояль, Райан Сессеньон, Ив Биссума, Родриго Бентанкур ва Уго Льорис каби муҳим ўйинчиларидан фойдалана олмайди. Ҳужумчи Лукас Моура эса учта ўйинлик дисфалификациясини ўтаб бўлди. У ўйинга тайёр бўлади.
Жамоанинг тахминий таркиби:
Дарвозада: Форстер;
Ҳимояда: Танганга, Ромеро, Дайер, Девис;
Ярим ҳимояда Скипп, Пап Сарр, Хёйбьерг;
Ҳужумда: Кулусевски, Сон ва Кейн.
"Манчестер Юнайтед" ҳақида
Кичик муаммо сабаб бир нечта учрашувларни ўтказиб юборган Скотт Мактоминей, яна сафга қайтиши кутилмоқда. Ҳимоячи Рафаэль Варан бир неча ҳафта жамоага ёрдам бера олмайди. Муҳим фигура бўлмиш Бруну Фернандеш эса ўйиндан олдин қайта кўрикдан ўтиши лозим. У "Брайтон" билан тўқнашувда тўпиғидан жароҳат олган эди. Ҳужум учун Алхендро Гарначо лазарятда қолмоқда. Лисандро Мартинес ва Донни ван де Беклар мавсумни ўтказиб юбориши маълум бўлган. Шундай вазиятда жамоа сардори Харри Магуайр ёрдам учун яна тайёр бўлади. У ҳам дисфалификацияда эди.
Жамоанинг тахминий таркиби:
Дарвозада: Де Хеа;
Ҳимояда: Уан-Биссака, Линделёф, Шоу, Далот;
Таянчда: Эриксен, Каземиро;
Ярим ҳимояда: Антони, Вегхорст Рэшфорд;
Ҳужумда: Марсьяль.
Бу жуфтликдаги ҳисобни тахмин қилиш қийин, албатта. Аммо мезбонларга ғалаба ҳаво ва сув каби зарур бўлади. Агарда "шпорлар" мағлубиятга учраса, у ҳолда ЕЧЛ йўлланмаси масаласи ўта қийин бўлиб қолади. "МЮ" эса ғалаба орқали яна учинчи ўринга қайтиб олиш имкониятига эга бўлади. Ўйин пайшанбадан жумага ўтар кечаси, соат 00:15 да старт олади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
