Англия Премьер-лигаси клублари ҳар йили ўз таркибини кучайтириш учун миллиардлаб фунт ишлатишади.
Жорий мавсумда ҳам «Челси», «Арсенал» ва «МЮ» каби жамоалар таркиб учун ҳаражатлар ҳажмини оширишди. Хўш, ушбу мавсумда сотиб олинган футболчиларнинг қай бири энг кўп маош олмоқда? Қуйида шу саволга жавоб топасиз ва яна энг яхши маошга эга харидларнинг олтитаси топ-клублар томонидан трансфер қилинган, кучли ўнликнинг ярми эса «Челси»га тегишли эканини билиб олишингиз мумкин.
10. Марк КУКУРЕЛЬЯ - 175 минг фунт
62 миллион эвазига, 175 минг фунт ҳафталик моаш билан жамоага олиб келинган Кукурелья, мавсумнинг энг омадсиз трансферларидан бирига айланди. «Брайтон»нинг собиқ футболчиси ҳам бутун жамоа сингари мавсумни бир текисда ўтказа олмаяпти. Грэм Поттер кетиб, Бен Чилвелл жароҳатдан қайтганидан кейин, бу жараён янада тезлашди. Испаниялик ҳимоячи ҳалигача жамоа учун лойиқ эканини кўрсата олгани йўқ.
9. Энцо ФЕРНАНДЕС - 180 минг фунт
«Челси» Фернандес учун қишда қаттиқ курашга киришганди. Тодд Боэли Аргентина терма жамоаси аъзоси учун рекорд даражадаги сумма, 106 миллион фунтни тўлаб берганди. Ҳозирга қадар Фернандес ўзига сарфланган пулларни оқлай оладиган даражада ўйин кўрсата олгани йўқ. Умид қиламизки, келажакда жаҳон чемпиони учун ҳаммаси яхши томонга ўзгаради.
8. Мануэль АКАНЖИ - 180 минг фунт
Аканжи яқин йиллар ичида «Манчестер Сити» томонидан сотиб олинган арзон, аммо муҳим футболчилардан бирига айланди. Гарчанд жамоада яхшигина маош олсада, швейцариялик ярим ҳимоячи ўзига билдирилган ишончни дастлаб оқлай олмади. Ҳозир эса Пеп Гвардиола уни ўз тизимига мослаштирди. Амалдаги чемпионлар таркибида Аканжи тез-тез асосий таркибда кўриниш бермоқда.
7. Уэсли ФОФАНА - 200 минг фунт
Ўтган ёзда «Челси» Фофана учун «Лестер»га 70 миллион фунт тўлов қилади. Франциялик ҳимоячи Европадаги энг ёрқин футболчилардан бирига айланиши айтилганди. Аммо у октябрь ойида «Милан» билан баҳсда жароҳат олиб, мавсумни катта қисмини ўтказиб юборишга мажбур бўлди. Орадан кўп ўтмай, «Челси» унинг ўрнини тўлдириш учун Бенуа Бадиашилени олиб келди. Ҳозир бу икки ҳимоячи асосий таркиб учун курашга кирган.
6. АНТОНИ - 200 минг фунт
Агарда юзта «МЮ» мухлисларидан Антонини жамоага олиб келинишига муносабат билдиришни сўрасангиз, юз хил жавоб оласиз. Бразилиялик ҳужумчи майдонда етарли имкониятларга эга бўлаётганди. Аммо ҳали бери барқарор йўлга тушиб олгани йўқ. Ҳар ҳолда, кўпчилик 82 миллион фунтлик футболчидан кўпроғини кутганди. Эрик тен Хаг Антонини очиб юборишга ҳаракат қилмоқда. Аммо ҳали бу режалар иш бермади.
5. Габриэл ЖЕЗУС - 265 минг фунт
Жезуснинг «Арсенал»га ўтиши, жамоага мисли кўрилмаган даражада ижобий таъсир кўрсатди. Лондон клубининг ўйинидаги ўсиш, Жезус номи билан боғланган. Бразилия терма жамоаси аъзоси «Арсенал»ни чемпионлик курашига киришида ҳаракатлантирувчи куч вазифасини бажарганди. У «Манчестер Сити»дан тўпчилар сафига ўтиш орқали ўз маошини уч каррага кўпайтириб олди. Жезус айни дамда ҳафтасига 265 минг фунт олмоқда.
4. Калиду КУЛИБАЛИ - 295 минг фунт
Кулибали АПЛда энг яхши маошга эга бўлган иккинчи рақамли ҳимоячи саналади. У бу борада фақат Рафаэль Варандангина ортда холос. Шунга қарамай, футболчи Лондонда захира ўриндиғига михланиб қолган. Айтиш керакки, Кулибали ўзига сарфланаётган пулларни ҳали оқлай олгани йўқ.
3. КАЗЕМИРО - 300 минг фунт
Каземиро ҳар ҳафта 300 минг фунтни ўз уйига олиб кетаётгандир. Аммо унинг ўйинлари мухлисларнинг чексиз муҳаббатига сабаб бўлди. Собиқ «Реал» футболчиси тартиб-интизом борасида Англия футболига озгина мос келмади, холос. Аммо у жамоада бўлган пайтида «МЮ»нинг ўйинлари муваффақиятли чиқмоқда.
2. Раҳим СТЕРЛИНГ - 325 минг фунт
Англиядаги энг катта номлардан бири бу, шубҳасиз Стерлингдир. Шу сабаб ўтган ёзда «Челси» уни жалб этиш учун анча қийналди. 325 минг фунт маош олиши белгиланган ҳужумчи, ўзидан кутилган натижаларни ҳали бермади. Негаки, унинг жамоаси мусобақаларда омадсиз қатнашмоқда.
1. Эрлинг ХОЛАНД - 375 минг фунт
Холанд «шаҳарликлар» сафида энг катта моашга эга эмас. Бу ном Кевин Де Брюйнега тегишли. Бельгиялик ярим ҳимоячи ҳар ҳафта 400 минг фунт ҳақ олади. Аммо ҳу муҳим эмас. Муҳими, Холанднинг олаётган пулларига муносиб натижа қайд этаётганидир. У 39 та ўйинда 45 та гол уришга эришди. Айни дамда бутун дунёда Холанддан яхши ҳужумчи йўқ десак янгишмаймиз. Мавсумнинг энг яхши харидларидан бири айнан 22 ёшли норвегияликдир.
Ж.ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
