"Манчестер Юнайтед" ҳимоячиси Фил Жонс жамоадаги дебютини 2011 йилда Сер Алекс Фергюсон қўл остида ўтказган ва ҳозир ҳам жамоада. Жонс шотландиялик мутахассис қўл остида “Манчестер Юнайтед” сафида 65 та ўйин ўтказиб, Англия чемпиони бўлди ва мамлакат Суперкубогини қўлга киритди. Сўнгги уч йил ичида эса ҳимоячи "Манчестер Юнайтед" таркибида саккизта учрашув ўтказди. Бу мавсумда англиялик бирон марта ҳам қайдномага киргани йўқ. Биз мемлар қироли билан нима содир бўлганини эслаб ўтмоқчимиз.
Фергюсон кетганидан кейин Жонснинг карерасига нима бўлди?
Ҳимоячи афсонавий шотланд билан ўйнаганида, принципиал жиҳатдан у майдонга тез-тез тушиб турарди. Жонс тиззаси, тўпиғи ва белидан жароҳат олган эди, аммо шундан сўнг Фил мунтазам равишда сафга қайтди. Фергюсон "Юнайтед"ни тарк этгач, футболчи "йўқолиб” қолди: 2013/2014 йилги мавсумдан бери у 19 та жароҳат олди, шу сабабли у 181 та "Манчестер Юнайтед" ўйинини ва 1037 кунни ўтказиб юборди. Жозе Моурино даврида ҳимоячи 57 учрашув ўтказиб, 4882 дақиқа майдонда ҳаракат қилган.
Дэвид Мойес, Луи ван Гал, Оле-Гуннар Сульшер ва Ральф Рангникда ҳам ҳимоячи таркибда кўриниш бериб турар эди, лекин тез-тез эмас. Ушбу мутахассислар қўл остида Жонс мос равишда 36, 37, 26 ва беш марта ўйнади. Моес билан бирга Фил иккинчи марта Англия Суперкубогини, ван Галь билан Англия кубогини, Моурино билан эса Лига кубоги ва Европа лигасини қўлга киритди.
Жонснинг карьераси давомида тиззасидан кўп жароҳат олган. 2017 йил ноябридан 2018 йил августигача бўлган даврда у уч марта қайта жароҳатларга дучор бўлди. Бу жароҳат Жонснинг юқори савиясига нуқта қўйди, десак ҳам бўлади. 2018/2019 йилги мавсумда ҳимоячи барча мусобақаларда 24 та ўйин ўтказган бўлса, шу мавсумдан сўнг ҳимоячи тўрт йил давомида бор-йўғи 16 марта майдонга тушди.
Бу мавсумда Жонс қайдномага умуман киритилмади. Филнинг “Манчестер Юнайтед” билан шартномаси ёзда тугашига қарамай, унинг келажаги борасида ҳали қарор қабул қилингани йўқ, деди Эрик тен Хаг. Эҳтимол, нидерландиялик мутахассис Жонсни ёзги мавсумда “Манчестер Юнайтед”да қолдиришга қарор қилиши мумкин. Гарчи ҳозир ҳеч нарса бунга ишора қилмаса ҳам.
Чексиз жароҳатларга қарамай, Фил ўз фаолиятини якунламоқчи эмас, февраль ойида у шундай деган эди:
“Жисмоний ва руҳий жиҳатдан узоқ йўл бўлди. Мен кучли характерга эгаман ва футболни яхши кўраман. Майдонга қайтиш учун ҳамма нарсани қиламан. Менга ўхшаб бу муаммолар ва жароҳатларга дуч келсангиз, буни енгиш қийинлигини тушунасиз. Клуб менга нисбатан яхши муносабтда бўлди. Мени оилам ва дўстларим қўллаб-қувватламоқда. Бунинг учун миннатдорман”.
Дарвоқе, “МЮ” Жонсни сотиш имкониятига ҳам эга эди. Қишда унга "Бордо" ва "Уотфорд" қизиқиш билдирган, аммо ҳимоячининг ўзи таклифлардан бош тортган. Шундай қилиб, у "Манчестер Юнайтед"да қолди ва у ерда 2019 йил февралидан бери йилига 4,4 миллион евро ишлаб топмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
