"Manchester Yunayted" himoyachisi Fil Jons jamoadagi debyutini 2011 yilda Ser Aleks Fergyuson qo‘l ostida o‘tkazgan va hozir ham jamoada. Jons shotlandiyalik mutaxassis qo‘l ostida “Manchester Yunayted” safida 65 ta o‘yin o‘tkazib, Angliya chempioni bo‘ldi va mamlakat Superkubogini qo‘lga kiritdi. So‘nggi uch yil ichida esa himoyachi "Manchester Yunayted" tarkibida sakkizta uchrashuv o‘tkazdi. Bu mavsumda angliyalik biron marta ham qaydnomaga kirgani yo‘q. Biz memlar qiroli bilan nima sodir bo‘lganini eslab o‘tmoqchimiz.
Fergyuson ketganidan keyin Jonsning karerasiga nima bo‘ldi?
Himoyachi afsonaviy shotland bilan o‘ynaganida, prinsipial jihatdan u maydonga tez-tez tushib turardi. Jons tizzasi, to‘pig‘i va belidan jarohat olgan edi, ammo shundan so‘ng Fil muntazam ravishda safga qaytdi. Fergyuson "Yunayted"ni tark etgach, futbolchi "yo‘qolib” qoldi: 2013/2014 yilgi mavsumdan beri u 19 ta jarohat oldi, shu sababli u 181 ta "Manchester Yunayted" o‘yinini va 1037 kunni o‘tkazib yubordi. Joze Mourino davrida himoyachi 57 uchrashuv o‘tkazib, 4882 daqiqa maydonda harakat qilgan.
Devid Moyes, Lui van Gal, Ole-Gunnar Sulsher va Ralf Rangnikda ham himoyachi tarkibda ko‘rinish berib turar edi, lekin tez-tez emas. Ushbu mutaxassislar qo‘l ostida Jons mos ravishda 36, 37, 26 va besh marta o‘ynadi. Moyes bilan birga Fil ikkinchi marta Angliya Superkubogini, van Gal bilan Angliya kubogini, Mourino bilan esa Liga kubogi va Yevropa ligasini qo‘lga kiritdi.
Jonsning karyerasi davomida tizzasidan ko‘p jarohat olgan. 2017 yil noyabridan 2018 yil avgustigacha bo‘lgan davrda u uch marta qayta jarohatlarga duchor bo‘ldi. Bu jarohat Jonsning yuqori saviyasiga nuqta qo‘ydi, desak ham bo‘ladi. 2018/2019 yilgi mavsumda himoyachi barcha musobaqalarda 24 ta o‘yin o‘tkazgan bo‘lsa, shu mavsumdan so‘ng himoyachi to‘rt yil davomida bor-yo‘g‘i 16 marta maydonga tushdi.
Bu mavsumda Jons qaydnomaga umuman kiritilmadi. Filning “Manchester Yunayted” bilan shartnomasi yozda tugashiga qaramay, uning kelajagi borasida hali qaror qabul qilingani yo‘q, dedi Erik ten Xag. Ehtimol, niderlandiyalik mutaxassis Jonsni yozgi mavsumda “Manchester Yunayted”da qoldirishga qaror qilishi mumkin. Garchi hozir hech narsa bunga ishora qilmasa ham.
Cheksiz jarohatlarga qaramay, Fil o‘z faoliyatini yakunlamoqchi emas, fevral oyida u shunday degan edi:
“Jismoniy va ruhiy jihatdan uzoq yo‘l bo‘ldi. Men kuchli xarakterga egaman va futbolni yaxshi ko‘raman. Maydonga qaytish uchun hamma narsani qilaman. Menga o‘xshab bu muammolar va jarohatlarga duch kelsangiz, buni yengish qiyinligini tushunasiz. Klub menga nisbatan yaxshi munosabtda bo‘ldi. Meni oilam va do‘stlarim qo‘llab-quvvatlamoqda. Buning uchun minnatdorman”.
Darvoqe, “MYU” Jonsni sotish imkoniyatiga ham ega edi. Qishda unga "Bordo" va "Uotford" qiziqish bildirgan, ammo himoyachining o‘zi takliflardan bosh tortgan. Shunday qilib, u "Manchester Yunayted"da qoldi va u yerda 2019 yil fevralidan beri yiliga 4,4 million yevro ishlab topmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
