Бугун Ла Лига 33-тури доирасида «Реал Сосьедад» ўз майдонида «Реал Мадрид»ни қабул қилади. «Қироллик клуби» айни дам турнир жадвалида биринчи ўриндаги «Барса»дан 11 очкога ортда. Сан-себастьянликлар эса 4-поғонани банд этган ва энг яқин таъқибчиси билан орадаги фарқ 8 очкони ташкил этади.
«Реал Сосьедад»
Баск дербисида жамоа 15 апрель куни «Атлетик»ка ютказди. Шундан сўнг «Райо» ва «Осасуна» мағлуб этилган бўлса, «Бетис» билан дуранг ўйналди. Иманоль Альгуасиль жамоасини «Вильярреал» таъқиб қилиб келмоқда, «сариқ сувости кемаси» «Реал Мадрид»га ишонган ҳолда ҳамшаҳарлари билан орадаги фарқни 5 очкога қисқартиришлари мумкин. Агар «Сосьедад» мавсум охиригача кучли тўртликдаги ўрнини сақлаб қолса, бу уларнинг 10 йил ичидаги энг яхши натижаси бўлади. Жамоа сўнгги 3 мавсумнинг 2 тасида 6-ўринни банд этган. Жорий мавсум 15 та уй учрашувида 28 очко тўпланди. Шунга қарамай «Реал Сосьедад» «қаймоқранглилар»га қарши 16 та сафар баҳсида 31 очко жамғара олишган. Бу «Барса»дан кейинги иккинчи энг яхши натижа ҳисобланади.
«Реал Мадрид»
Мадридликлар ўтган ҳафта «Жирона»дан учралган 2:4 ҳисобидаги мағлубиятдан яхши хулоса чиқаришди ва шанба оқшомида «Альмерия»ни худди шу ҳисобда таслим этди. Учрашувда Бензема хет-трик қайд этган бўлса, клубнинг яна бир голига Родриго муаллифлик қилди. Натижада «Реал» 32 баҳсда 68 очко тўплаган ҳолда «Барса» билан 11 очколик фарқни юзага келтирган. Агар қандайдир ғайриоддий мўъжиза юз бериб қолмаса, Хави жамоаси олдиндаги 6 та ўйинни жуда енгил ўтказиб олади. Турнир жадвали нуқтайи назаридан гарчи «Реал» «Атлетико» билан 2-ўрин учун курашаётгандек туюлсада, Анчелотти ҳамда унинг шогирдлари бор эътиборини айни дам мамлакат кубоги ҳамда ЕЧЛга қаратган. «Осасуна» ҳамда «Ман Сити»га қарши ўйинлар мос равишда 6 ва 9 май кунлари бўлиб ўтади.
Бу икки жамоанинг январдаги «Бернабеу»да кечган ўйинида 0:0 ҳисоби қайд этилган. Бироқ «Лос Бланкос» сан-себастьянликларга ички лига доирасида 2019 йил майдан бери ютқазмаяпти.
Янгиликлар
«Реал Сосьедад»га бугун Диего Рико, Содиқ Умар ҳамда Мартин Меркельянс ёрдам бера олмайди. Оярсабаль, Сарлот ҳамда Мендес бугунги баҳсга тайёр.
«Қироллик клуби» эса бугун Менди, Алаба ҳамда Модрич ёрдамларидан фойдалана олмайди. Куртуа ҳамда Бензема «Альмерия» билан ўйинда сафга қайтган эди. Винисиус ва Камавинганинг бугунги иштироки эса сўроқ остида. Катта эҳтимол Винининг ўрнини Родриго эгаллайди. Анчелотти муҳим учрашувлар олдидан ротация қилиши мумкин ва бугун Начо, Асенсио, Карвахаль ҳамда Вальвердени майдонда кўришмиз эҳтимоли ҳам мавжуд.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
