Даниялик футболчи Кристиан Эриксен «Laureus Sports Awards - йилнинг энг яхши камбэки» совринини қўлга киритди.
2021 йилнинг июнь ойида Евро-2020да фожеа юз беришига сал қолди: Кристиан Эриксен Дания – Финляндия ўйини пайти ўлимга яқин қолди, унинг юраги тўхтаб қолди. Шифокорлар майдонда узоқ вақт ёрдам кўрсатишди, учрашув тўхтатилди. Тиббий ёрдам кўрсатилгандан сўнг, Кристиан, хайриятки, ҳамма учун нормал ҳолатига қайтди.
Аммо 29 ёшли данияликнинг фаолияти катта хавф остида эди. Шифокорлар унинг юрак тезлигини назорат қилиш учун юрак стимулятори ўрнатдилар, бироқ Италия А Серияси қоидаларига кўра, у ушбу мослама билан ўйнай олмасди. Шу сабабли даниялик «Интер» билан шартномани бекор қилди ва 2022 йилнинг қишида «Брентфорд»га, олти ойдан кейин эса «Манчестер Юнайтед»га ўтди.
8 май куни у «Йилнинг камбэки» учун Laureus Sports Awards мукофотини қўлга киритди. Кристиан доимий равишда «Манчестер Юнайтед» базасида ўйнайди, бироқ икки йил олдин унинг футболни тарк этиши башорат қилинган эди. Маросим давомида журналистлар Эриксендан интервью олишди ва ундан юқори даражага қандай қайтганини сўрашди.
«Шахсан мен ўрганган нарса шуки, сиз майдонда бўлишдан ва ва юқори кайфиятда футбол ўйнашдан завқланишингиз керак. Агар бу сизни хурсанд қилмаса, бошқа ишни қилинг.
Мен учун энг муҳими қайтиб келиб, инсон бўлиб қолиш эди. Менинг биринчи мақсадим ўз вақтида қайтиш ва тўлақонли ота бўлиш эди. Мен учун бу энг муҳими.
Воқеа содир бўлган куннинг эртасига нима бўлганига қарадим, бунда барча ҳис-туйғуларни бошдан кечирдим ва ўзимни келажакка тайёрладим. Аммо бу осон эмас. А Серияда кўплаб қоидалар борлигини билардим. Ва «Интер» билан шартномам тўхтатилганида, мен ниҳоят жавоб олдимки: қайта ўйнай оламан, лекин бошқа жойда. Шундай қилиб, мен «Интер»даги фаолиятимни якунландим, бу ягона тўғри вариант эди.
«Брентфорд»ни тарк этиш ҳам қийин бўлди. Мен у ерда жуда яхши вақт ўтказдим ва менга ўз жамоасидан имконият бергани учун Томас Франкдан доимо миннатдорман. Аммо шу билан бирга, мен дастлаб мураббийга қизиқарли таклиф пайдо бўлса, кетишимни айтдим. Бахтимга, «Юнайтед» келди ва бу таклиф ҳақиқатан ижобий бўлди.
Ҳа, омадим бор», - деди Эриксен.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
