Марко Верратти "ПСЖ" билан шартномасини 2026 йилгача узайтирганига қарамай, ёздаги трансфер ойнасида клубни тарк этишга тайёр.
RMC Sport нашри хабарига кўра, футболчининг бундай қарорга келишига сўнгги пайтларда Лионель Месси, Неймар ва Верраттига қарши чиққан "ПСЖ" мухлисларининг қаршили сабаб бўлди.
"Марко энди "ПСЖ"да бахтли бўла олмайди. Мухлисларнинг норозиликлари унга катта зарба бўлди" - деди футболчининг яқинларидан бири.
Верраттининг "ПСЖ"даги келажагига таъсир қилиши мумкин бўлган асосий омиллардан бири бу янги бош мураббийнинг шахсияти. Агар Кристоф Галтьенинг ўрнига келадиган янги бош мураббий италиялик футболчига ишонса, Верратти клубда қолиши мумкин.
Кетган тақдирда, Верратти фаолиятини давом эттириш учун асосий вариантлари "Интер" ва "Ювентус" бўлади. Марко "Реал"да ўйнашни ҳоҳлайди, аммо "қаймоқранглилар"нинг ўзи бундай трансферга қизиқмаяпти, чунки улар бор эътиборини Жуд Беллингемни қўлга киритишга қаратишган.
Матнда хатолик топсангиз, ўша хатони белгилаб, бизга жўнатинг (Ctrl + Enter).