Фирмино: Кетиш олдидан рекорд имконияти
Роберто Фирмино «Ливерпуль» билан хайрлашишидан олдин бир кўрсаткич бўйича Юрген Клопп қўл остида ўйнаган барча футболчилар орасида мутлақ рекордчига айланиши мумкин.
Оддий айтганда, бразилиялик ҳужумкор ярим ҳимоячи ва германиялик мутахассис ўртасидаги ўта кучли боғлам юқори нотада узиладиган кўринади.
Ҳа, Роберто Фирмино ёзда эркин агент мақомини олиб, фаолиятидаги «Ливерпуль» саҳифасини ёпмоқчи. Бразилиялик хайрлашув содир бўлишидан олдин эса 2015 йили ўрнатилган Юрген Клопп даврига боғлиқ бир ажиб рекордни янгилаши мумкин. Якшанба кунги ҳолат бўйича «қизиллар» учун жорий мавсум ҳисобидан 3та ўйин қолди (Юрген Клопп жамоаси АПЛ 36-туридан ўрин олган «Лестер»га қарши учрашувни кеча ўтказди). Хуллас, Фирмино финишга қадар германиялик мураббий қўл остида ўйнаган дақиқалар бўйича 1-ўринга чиқиб олиш имкониятига эга. Ҳужумкор ярим ҳимоячи айни пайт Клопп энг кўп ўйнатган футболчилар рўйхатида 3-ўринни эгаллаб турибди.
Рақамларда айтсак, бразилиялик футболчи германиялик мураббий қўл остида жами 25020 дақиқа ҳаракатланган. Клопп билан ҳамкорлик қилганлар орасида фақат Невен Суботич (25107 дақиқа) ва Роман Вайденфеллер (25156 дақиқа)да ўйин вақти бундан кўпроқ. Демак, Фирминода Дортмунд «Боруссия»сининг афсонавий дарвозабонига тегишли рекордни янгилаш ва Юрген Клопп эрасида майдонда энг кўп вақт тўп сурган футболчига айланиш учун реал имконият мавжуд. Ҳозирда уни юқори кўрсаткичдан бор-йўғи 136 дақиқа ажратиб турибди. Тўғри, Муҳаммад Салоҳ (24807 дақиқа) кейинги мавсум бу борада мутлақ рекордчига айланади катта эҳтимол. Албатта, агар Юрген Клопп ёнида қолса.
Юрген Клопп даврида энг кўп вақт ўйнаган футболчилар (14 май ҳолати бўйича)
1. Роман Вайденфеллер («Боруссия» Д.) - 25156 дақиқа
2. Невен Суботич («Боруссия» Д.) - 25107 дақиқа
3. Роберто Фирмино («Ливерпуль») - 25020 дақиқа
4. Муҳаммад Салоҳ («Ливерпуль») - 24807 дақиқа
5. Эндрю Робертсон («Ливерпуль») - 22650 дақиқа
«Ливерпул»нинг АПЛ-2022|2023 финишига қадар ўйинлари: «Лестер» (кеча), «Астон Вилла» ва «Саутгемптон». Фирмино шундан сўнг эркин агент мақомини олади.
Манба: «Интерфутбол» газетаси
Киритилди: 13:10, 19.05.2023. Ўқилди: 2738 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
