Эртага Австралиянинг Мельбурн шаҳрида Осиё кубоги-2015 саралаш мусобақасига қуръа ташланади. Ўзбекистон терма жамоаси саралаш босқичида биринчи рақамли жамоа сифатида сараланган.
Осиё кубоги-2011 совриндорлари — Япония, Австралия (мезбон) ва Жанубий Корея терма жамоалари саралашдан озод этилган. Саралаш босқичида эса 20та жамоа иштирок этади. Жамоалар 5та гуруҳга бўлинишади ва ҳар бир гуруҳда дастлабки 2 ўринни олган жамоа финал босқичи йўлланмасини йўлга киритади.
Саватчалар таркиби:
1-саватча: Ўзбекистон, Қатар, Иордания, Эрон, Ироқ
2-саватча: Хитой, Баҳрайн, Сурия, БАА, Кувайт
3-саватча: Саудия Арабистони, Уммон, Таиланд, Яман, Вьетнам
4-саватча: Малайзия, Сингапур, Индонезия, Ливан, Гонконг
Табиийки, Ўзбекистон терма жамоаси қуръада ўз саватчадошлари билан бир гуруҳдан жой олмайди. Демак, ЖЧ-2014 саралашида биз билан бир гуруҳда қатнашаётган Қатар ва Эрон терма жамоалари билан бир гуруҳга тушмаймиз.
Тақвимда саралаш ўйинлари қуйидаги саналарга белгиланган.
1-тур: 2013 йил 6 февраль
2-тур: 2013 йил 22 март
3-тур: 2013 йил 15 октябрь
4-тур: 2013 йил 15 ноябрь
5-тур: 2013 йил 19 ноябрь
6-тур: 2014 йил 5 март
Демак, саралаш баҳслари яқинлашиб келаётган февраль ойидаёқ бошланади. 2013 йилнинг 22 март куни эса 2-тур ўйинлари бўлиб ўтади. Ўша куни Ўзбекистон терма жамоаси 4-саватча вакили билан сафарда тўп суради. Бу саватчада эса Ливан бор! Шунингдек, Ливан билан ЖЧ-2014 доирасида 26 март куни Тошкентда ўйин бор. Агар Ливан Осиё кубоги-2015 саралашида биз билан бир гуруҳга тушса, март ойида 4 кун оралиғида бу жамоа билан икки марта куч синашишимиз мумкин, битта сафарда, биттаси Тошкентда!
Биз билан бир гуруҳга бошқа жамоа тушган тақдирда ҳам 22 март куни сафарда ўйнаймиз. 26 март куни Тошкентда муҳимроқ ўйин борлигини инобатга олиб, 22 март кунги ўйин муддатини ҳозирданоқ ўйлаб кўриш керак! Бу ЎФФ Терма жамоалар марказига эслатма!
Шунингдек, 2014 йилнинг 11, 18 ва 25 январь кунлари захира кунлари сифатида тақвимга киритилган. Осиё кубоги-2015 мусобақасининг 4 ва 5-тур ўйинлари ЖЧ-2014 Осиё/КОНМЕБОЛ қитъалараро плей-офф баҳсларига (13/14 ва 20 ноябрь) тўғри келади.
Дарвоқе, Осиё кубоги-2015 ҳам қишда, январда ўтказилади. 4-26 январь кунлари қитъанинг энг кучли 16 жамоаси ғолиблик учун кураш олиб боришади.
Осиё кубоги-2015 саралашига қуръа ташлаш маросими эртага, 9 октябрь куни соат 12:00 (Тошкент вақти билан)да бошланади. Қуръа ташлаш маросимидан видеотрансляцияни www.youtube.com/theafcasiancup сайти орқали жонли кузатиш мумкин. Сайтимиз орқали воқеалар ривожини жонли равишда ёритиб боришни режалаштирганмиз. Шунингдек, эртага мусобақанинг логотипи ҳам тақдимот қилинади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
