"МЮ" келаётган ёзда катта трансферларни амалга оширишни режа қилмоқда. Айни дамда клуб учун энг муаммоли позиция марказий ҳужум бўлиб турибди. Шу сабабли "қизил иблислар" ёзда топ-ҳужумчи харид қилиши аниқ. Аввало, бу борада Эрик тен Хаг жамоасига Харри Кейн зарур. Англия терма жамоаси аъзоси "Тоттенхэм"ни тарк этишга яқин турибди. Бунга "шпорлар"нинг жорий мавсумдаги муваффақиятсизлиги сабаб бўлмоқда. Аммо 29 ёшли футболчини сотиб олиш осон бўлмайди.
"Тоттенхэм" Кейнни осонликча қўлдан бой беришни истамайди. Бунга клуб эгаси Даниэль Леви йўл қўймаслиги мумкин. MAN нашрининг ёзишича "МЮ" Кейнни сотиб олиши учун, "Левини ўлдириши керак бўлади". Албатта, бу ҳазил тариқасида айтилган. Боз устига, энди бу масалада манкунианликларда устунлик мавжуд. Хусусан, "МЮ" кейинги мавсумда ЕЧЛда иштирок этади. Бу эса Харри Кейннинг мақсадларига ҳам мос тушади. Бордию, Кейн масаласи ижобий ҳал этилмаса, у ҳолда "Манчестер Юнайтед"да яна олтита ҳужумчини сотиб олиш имкони пайдо бўлади. Шу ерда бир мақол эсга тушади – Пул бўлса, чангалда шўрва. Ҳақиқатдан ҳам яхши пул тўланса, ҳар қандай жамоа, ҳар қандай футболчини сотиши мумкин.
"Manchester Evening News" нашрининг ёзишича, Кейндан кейинги ўринда "МЮ" учун Виктор Осимхен энг катта нишон бўлади. 24 ёшли нигериялик ҳужумчи жорий мавсумда 23 та гол билан "Наполи"ни 1990 йилдан бери илк бор А серияда ғолиб бўлишига ёрдам берди. Аммо унинг учун белгиланган 130 миллион фунтлик нарх "қизил иблислар"га унчалик ҳам хуш келмайди.
Италияда давом этамиз. "МЮ" учун навбатдаги вариант бу "Аталанта" юлдузи Расмус Хёйлундир. 20 ёшли иқтидор 18 та ўйинда 8 та гол уришга эришганди. Шубҳасиз, у келажакда АПЛ гиганти учун асқотган бўларди.
"Айнтрахт" вакили Рандал Коло Муани ҳам "МЮ" радарида экани айтилади. 24 ёшли ҳужумчи Қатардаги мундиалда порлаган эди. Унинг ҳисобида ҳозирга қадар 14 та гол ва 13 та ассист мавжуд.
Эрик тен Хаг шахсан кузатаётган футболчилар орасида "Аякс" 22 ёшли юлдузи Муҳаммад Кудус ҳамда 21 ёшли "Бенфика" тарбияланувчиси Гонсалу Рамушлар бор. Ҳар икки ҳужумчи гол ва узатма борасида жорий мавсумда 20 тадан кўп вазиятларда иштирок этди. Айниқса, Кудуснинг қанотларда ҳам ўйнай олиши, унинг қадрини янада оширади. Шунингдек, шортлистда "Брайтон" ўйинчиси Эван Фергюсон ҳам бор. 20 ёшли ҳужумчи ўтган ойда жамоаси билан янги шартнома имзолаганди. Ирландия терма жамоаси аъзоси болалигидан Уэйн Рунига ҳавас қилганини айтади. Шундай экан, яқин келажакда у ҳам "МЮ" либосини кийиши мумкин.
Эрик тен Хаг жамоасининг муаммолари фақатгина ҳужум билан чекланмайди. Агарда "қизил иблислар" янги мавсумда титуллар учун курашмоқчи бўлса, у ҳолда ярим ҳимоя ва мудофаани ҳам кучайтириши зарур. Бу борада "МЮ"га Деклан Райс, Мейсон Маунт ва Жереми Фримпонг каби футболчилар керак бўлади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
