"Манчестер Юнайтед" ярим ҳимоячи Мейсон Маунтни сотиб олди. Жамоа, дарвозабон Андре Онананинг харидига яқин турибди. Аммо Эрик тен Хаг учун ўта зарур бўлиб турган аплуа бу ҳужумчидир. Анчадан бери Харри Кейн ва Виктор Осимхен "қизил иблислар" наздида йирик нишон бўлиб келди. Аммо улар учун ниҳоятда кўп сўралмоқда. Шу сабаб "МЮ" ўз эътиборини бошқа ҳужумчиларга қаратиши лозим. Қуйида тен Хагга беш танлов берилади. Улардан бири манкунианликлар сафига келиши мумкин.
Расмус Хёйлунн
Ёши: 21
Клуби: "Аталанта"
Европа футболида навбатдаги порлоқ юлдуз бўлиши кутилаётган номлардан бири бу "Аталанта" ва Дания терма жамоаси ҳужумчиси Расмус Хёйлунндир. Тўп билан яхши ҳаракатланадиган футболчининг Италияга келганига атиги бир йил бўлди. Аммо шундай қисқа вақт ичида у катта клублар назарига тушди. Бунга сабаб Хёйлуннинг прессинг, ярим ҳимоя ва боғламлардаги унумли ҳаракатларидир. У ўтган мавсумда 9 та голга муаллифлик қилган эди.
Душан Влахович
Ёши: 23
Клуби: "Ювентус"
Яна бир А серия вакили бу Влаховичдир. 23 ёшли ҳужумчи "Фиорентина" сафида 98 та ўйинда 44 та гол урган. Аммо унинг "Ювентус"даги ишари унчалик ҳам ўхшамаяпти. Влахович туринликлар сафига 70 миллион евро эвазига ўтган. Аммо бу пуллар ҳали оқланмади. Сербия терма жамоаси аъзоси ўтган мавсумда 14 та голга муаллифлик қилган эди. Влахович шу ёзда жамоасини янгилаши мумкин.
Беньямин Шешко
Ёши: 20
Клуби: "Лейпциг"
Шешкони анчадан бери "МЮ" жиддий кузатувга олган. Кўпчилик 20 ёшли ҳужумчи ҳаракатларини Холандга қиёслайди. У "Зальцбург"дан 24 миллион еврога харид қилинганди. Бўй борасида мақтана оладиган футболчи, ҳаводаги курашларда катта устунликка эга. Шешко айни дамда 50 миллионга баҳоланмоқда.
Гонсалу Рамуш
Ёши: 22
Клуби: "Бенфика"
Қатардаги мундиал ҳар доимгидек Португалия учун омадли ўтмади. Энг ёмони, Роналду билан жамоа бош мураббий ўртасида келишмовчилик келиб чиққани эди. Шундай таранг вазиятда Рамуш майдонга чиқди. У Роналдунинг ўрнини боса олишини исбот қилган эди. "Бенфика" сафида 22 ёшли марказий ҳужумчи 19 та голга муаллифлик қилди. Бемалол айтиш мумкинки, Рамуш "МЮ"нинг муаммоларини ҳал қилишга қодир футболчи.
Лаутаро Мартинес
Ёши: 25
Клуби: "Интер"
"Интер"даги 5 йиллик фаолиятидан кейин, Лаутаро шу ёзда бошқа клубга йўл олиши айтилмоқда. Аргентиналик ҳужумчига жиддий даъвогар бу "Челси"дир. Бу турган гап, албатта. Негаки, у ўтган мавсумда 28 та голга муаллифлик қилганди. Эрик тен Хаг у учун тез ҳаракат бошлаши талаб этилади. Футболчи кетишга рози. Фақатгина уни кўндириш ва талаб қилинган суммани тўлаш керак холос. Акс ҳолда, "Челси" Мартинесни илиб кетиши мумкин.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
